Kwamamaza

Chris Brown afunzwe azira gutunga Nyampinga imbunda

Yanditswe kuya 31-08-2016 saa 08:19' na Remesha Jr.


Umuririmbyi Chris Brown yatawe muri yombi na polisi yo mu Mujyi wa Los Angeles akekwaho icyaha cyo guhohotera umugore amutunze imbunda, yafunzwe ku mugoroba wo kuri uyu wa 30 Kanama 2016.

Umuvugizi wa Polisi i Los Angeles, Lieutenant Chris Ramirez yemereye CNN ko Chris Brown yafunzwe by’agateganyo kugira ngo hakorwe iperereza ku cyaha akurikiranyweho cyo gutera ubwoba umugore amutunze imbunda.

Mu rukerera rwo kuwa Kabiri tariki ya 30 Kanama [ahagana saa cyenda] nibwo umugore witwa Baylee Curran yahamagaye polisi asaba ko yamusanga hafi y’urugo rwa Chris Brown. Mu guhamagara yavuze ko uyu muhanzi yamutunze imbunda anamutera ubwoba.

Ku gicamunsi nibwo Polisi yazanye icyangombwa kiyemerera kwinjira mu rugo rwa Chris Brown kuhasaka no gushakisha ibimenyetso byaba bifitanye isano n’icyaha akurikiranyweho. Nyuma yahise atabwa muri yombi kugira ngo atabangamira iperereza.

Baylee Curran yavuze ko Chris Brown yamutunze imbunda amuziza ko yishimiye imirimbo y’umwe mu basore b’inshuti ze bari kumwe.

Ati “Ntabwo nzi niba ari inshuti ya Chris cyangwa ikibahuje, ariko nibwo yambwiye ngo nsubire inyuma atangira kuntuka no kunyita amazina. Nibwo Chris yavanyemo imbunda arambwira ngo ‘Va hano’. Yanambwiye ngo ‘ndabarwaye mwa bakobwa mwe’!”

Umunyamategeko wa Chris Brown, Mark Geragos yabwiye itangazamakuru ko umukiliya we arengana ndetse ko atumva ibyashingiweho kugira ngo Polisi ifate umwanzuro wo kumuta muri yombi.

Ati “…nta kuri guhari ku byo ashinjwa, ikindi kandi ndumva nta kiduhangayikishije, turabireka gutyo bakore iperereza neza.”

Baylee Curran wahamagaye Polisi avuga ko Chris Brown yamutunze imbunda ngo afite ikamba rya Miss California Regional 2016, iri rushanwa rihuza abakobwa bo mu mijyi itandukanye muri California. Inzego z’umutekano, ntizirahamya ko uyu mugore yitwa Curran gusa abamuzi bemeza ko ari we wagiranye ikibazo n’uyu muhanzi.

Chris Brown yaherukaga gufungwa tariki ya 9 Gicurasi 2014, icyo gihe yakatiwe iminsi 131 y’igifungo gusa yaje kurekurwa amazemo 109 gusa. Yafunzwe azira kutubahiriza ibihano yahawe kubera icyaha yakoze muri 2009 aryozwa gukubita Rihanna.

Chris Brown yatawe muri yombi azira gutunga imbunda umugore
Chris Brown agiye gusubizwa imbere y'inkiko azira guhohotera abagore

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 1 Ukwakira 2016
Copyright © 2009 -2014 - IGIHE Ltd - All Rights Reserved