Kwamamaza

Beyoncé, Jay Z na Kendrick Lamar mu birori by’ibanga na Perezida Obama

Yanditswe kuya 5-08-2016 saa 16:54' na Remesha Jr.


Abahanzi b’ibihangange ku Isi, Beyoncé n’umugabo we Jay Z ndetse na Kendrick Lamar, batumiwe mu birori byihariye byo kwizihiza isabukuru y’amavuko ya Perezida Obama wujuje imyaka 55.

Perezida Barack Obama yujuje imyaka 55 y’amavuko kuri uyu wa 4 Kanama 2016, umugore we Michelle Obama bamaranye imyaka 24 yamuteguriye ibirori bidasanzwe bigomba kuba kuri uyu wa Gatanu muri White House.

Ikinyamakuru Page Six gitangaza ko, muri White House hateguwe ibirori bikomeye [ariko biheza bamwe] by’isabukuru ya Perezida Barack Obama. Michelle ngo yatumiye Beyonce n’umugabo we Jay Z nk’urugo basanzwe bafitanye umubano wihariye.

Umuraperi Kendrick Lamar uharawe muri iki gihe mu ndirimbo ‘God Is Gangsta’ yahawe ubutumire nk’umuhanzi Perezida Obama akunda kurusha abandi. Aba bahanzi batumiwe mu ibanga ndetse abitabira ibi birori ni inshuti za hafi z’umuryango wa Perezida Obama gusa.

Ibirori by’isabukuru ya Perezida Obama nibirangira, we n’umuryango we bazahita bajya mu kiruhuko ku kirwa cya Martha’s Vineyard.

Umuririmbyi w’igihangange mu njyana ya R&B, Usher ni we ugomba kuririmba muri ibi birori bigomba kuba ku mugoroba wo kuri uyu wa Gatanu. Abakinnyi ba filime b’ibyamamare muri Hollywood bategerejwe muri White House. Mu bandi bitezwe kwitabira ibirori harimo Ellen DeGeneres, Anna Wintour, Jennifer Hudson, John Legend, Stevie Wonder na Magic Johnson.

Mu mwaka wa 2014, Michelle Obama yizihije isabukuru y’imyaka 50, icyo gihe umuririmbyi Beyoncé yasusurukije ibirori afatanyije na John Legend wamuririmbiye "Happy Birthday".

Beyonce Knowles, Jay Z na Kendrick Lamar batumiwe mu birori by'ibanga hizihizwa isabukuru ya Perezida Obama

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 26 September 2016
Copyright © 2009 -2014 - IGIHE Ltd - All Rights Reserved