Kwamamaza

Angelina Jolie yatse gatanya n’umugabo we Brad Pitt

Yanditswe kuya 20-09-2016 saa 19:39' na Remesha Jr.


Icyamamare muri sinema, Angelina Jolie yamaze gutanga ikirego asaba gatanya n’umugabo we Brad Pitt, nk’uko byamaze kwemezwa n’umunyamategeko we, Robert Offer.

Offer yatangaje ko Jolie yatanze iki kirego kuri uyu wa Mbere, aho yavuze ko “yafashe icyemezo ku nyungu z’ubuzima bw’umuryango”.

Yakomeje agira ati “Ntacyo atangaza kuri uyu mwanzuro kandi yasabye ko umuryango we uhabwa ubusugire muri iki gihe.”

Urukundo rwa Brad Pitt w’imyaka 51 na Angelina Jolie ufite 41 rwatangiye kwamamara kuva mu 2004, ariko baza gushyingiranwa muri Kanama 2014.

Pitt yari ashyingiwe ku nshuro ya kabiri, nyuma yo gutandukana na Jennifer Aniston, mu gihe Jolie bahuye nyuma yo gutandukana n’abagabo babiri barimo Billy Bob Thornton na Jonny Lee Miller.

Bafite abana batandatu barimo Maddox, Pax, Zahara barera mu muryango ndetse na Shiloh, n’impanga Knox na Vivienne babyaye.

Angelina Jolie w’imyaka 41, ikinyamakuru TMZ cyatangaje ko yasabye ko ariwe wagumana abana batandatu bafitanye, Brad Pitt agasigarana uburenganzira bwo kubasura gusa nyuma y’uko hari ibibazo byari hagati yabo yari atagishoboye kwihanganira.

Amakuru kandi avuga ko Jolie yaba yari arambiwe uburyo Pitt yafataga abana, ndetse ngo yaba yari arambiwe uburyo yanywaga urumogi hakiyongeraho n’umujinya we wari umaze kuba ikibazo ku bana.

Uyu mwanzuro ngo ni uwa Jolie ku giti cye, akavuga ko ubu atakiri kumwe n’umugabo we kuva kuwa 15 Nzeri 2016. Aba bombi baherukaga kugaragara mu ruhame bafatanye agatoki ku kandi muri Nyakanga bari kumwe n’impanga zabo Knox na Vivienne, ubwo bari mu birori by’umunsi mukuru w’amavuko muri Hollywood.

Iby'urukundo rwa Angelina Jolie na Brad Pitt biri mu marembera
Angelina Jolie na Brad Pitt baherukaga kugaragara mu ruhame muri Nyakanga
Angelina Jolie na Brad Pitt bamaze imyaka 12 bari mu buryohe bw'urukundo

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 25 September 2016
Copyright © 2009 -2014 - IGIHE Ltd - All Rights Reserved