Angelina Jolie na Brad Pitt bahagaritse gatanya bamaze iminsi basaba mu nkiko

Yanditswe na IGIHE
Kuya 11 Kanama 2017 saa 01:24
Yasuwe :
0 0

Ibyamamare muri sinema, Angelina Jolie na Brad Pitt bahagaritse ibyo gusaba gatanya bamazemo hafi umwaka wose mu nkiko za Leta Zunze Ubumwe za Amerika.

Angelina Jolie yatangiye urugendo rwo gusaba inkiko kumutandukanya na Brad Pitt muri Nzeri 2016, icyo gihe yavuze ko ko “yafashe icyemezo ku nyungu z’ubuzima bw’umuryango”.

Ikinyamakuru US Weekly cyatangaje ko Angelina Jolie w’imyaka 42 ashobora kuba yatangiye gushakisha inzira yazakoresha ngo agarure Brad Pitt ku murongo, gusa ngo azafata icyemezo cya burundu uyu mugabo “nagaragaza ubushake n’ishyaka ryo kwita ku muryango”.

Inshuti magara ya Brad Pitt na Angelina Jolie yabwiye E!News ko aba bombi bafashe umwanzuro wo kureka ibya gatanya “ahubwo babaye babihagaritse kuko icyo bose bashyize imbere kurusha ibindi ni abana babo, kugeza ubu nta kirahinduka mu mibanire yabo.”

Angelina Jolie na Brad Pitt bari bamaze imyaka ibiri basezeranye byemewe n’amategeko gusa ibyo kubana byari bimaze hafi imyaka 12.

Urukundo rwa Brad Pitt w’imyaka 52 na Angelina Jolie ufite 42 rwatangiye kwamamara kuva mu 2004, ariko baza gushyingiranwa muri Kanama 2014. Pitt yari ashyingiwe ku nshuro ya kabiri, nyuma yo gutandukana na Jennifer Aniston, mu gihe Jolie bahuye nyuma yo gutandukana n’abagabo babiri barimo Billy Bob Thornton na Jonny Lee Miller.

Bafite abana batandatu barimo Maddox, Pax, Zahara barera mu muryango ndetse na Shiloh, n’impanga Knox na Vivienne babyaye.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza