Amafoto ya mbere y’ibirori bya MTV AMAs i Johannesburg

Yanditswe na Munyengabe Murungi Sabin
Kuya 22 Ukwakira 2016 saa 01:11
43 29

Abahanzi b’ibyamamare muri Afurika bateraniye mu Mujyi wa Johannesburg ahagiye gutangirwa ibihembo bya MTV Africa Music Awads [MAMAs] bigenerwa abahanzi bahize abandi muri Afurika.

Urutonde rw’abahataniye ibihembo bya MTV MAMA umwaka wa 2016 rwatangajwe ku kuwa 21 Nzeri 2016. Abahanzi barimo Wizkid, Cassper Nyovest, AKA na Sauti Sol bari imbere mu bahataniye ibihembo byinshi.

Umuhanzi ukomoka mu Rwanda, Meddy ni we wakoze amateka aba uwa mbere watoranyijwe mu bahataniye ibi bihembo kuva byatangira gutangwa, ari mu cyiciro gishya cya ‘Listener’s Choice Awards’.

Abahanzi benshi bakomeye muri Afurika berekeje i Johannesburg bitegura ibirori bikomeye byo gutanga ibihembo bya MTV AMAs 2016 mu ijoro ryo kuri uyu wa Gatandatu tariki ya 22 Ukwakira 2016.

Abamaze kugerayo bazwi harimo Wizkid umwe mu bahanzi bakomeye bari bususurutse ibirori, Sauti Sol, Ali Kiba, Kore Bello, Eddy Kenzo, Yemi Alade, Diamond, Harmonize, Bebe Cool, Prince Kaybee, Burna Boy, Yamoto Band n’abandi.

Ku mugoroba wo kuri uyu wa 21 Ukwakira nibwo umuraperi Future wahoze ari umugabo wa Ciara yasesekaye mu Mujyi wa Johannesburg aturutse muri Amerika. Ni we muhanzi mukuru ugomba kuririmba muri ibi birori.

Meddy uhagarariye u Rwanda ntiyitabiriye ibi bihembo. Yavuze ko ngo kutajyayo bwaturutse ku kibazo cy’uburwayi yagize mu minsi yashize bituma atanoza ibiganiro n’abateguye MTV AMAs.

Sauti Sol na Ali Kiba mu kiganiro n'abanyamakuru
Ali Kiba ni umwe mu bahanzi bahatanye muri MTV AMAs 2016
Ali Kiba wo muri Tanzania
Wizkid yamaze kugera muri Afurika y'Epfo
Sauti Sol na Korede Bello wo muri Nigeria
Bonang, Nomzamo na Alex
Yemi Alade(wo hagati) yageze muri Afurika y'Epfo
Umuraperi Future yamaze kugerayo
Umuhanzi Eddy Kenzo wo muri Uganda yagezeyo
Bebe Cool yageze ahagomba kubera MTV AMAs

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE