Adele yacuruje kopi miliyoni icumi za album nshya muri Amerika

Yanditswe na Munyengabe Murungi Sabin
Kuya 28 Nzeri 2016 saa 05:13
Yasuwe : XX
0

Umuhanzi w’Umwongereza Adele Laurie Blue Adkins MBE yaciye agahigo kadasanzwe muri Amerika aho amaze kugurisha kopi zisaga miliyoni icumi za album ye nshya ‘25’ itaramara umwaka ku isoko.

Adele yahise yesa agahigo nk’umuhanzi wacuruje kopi nyinshi za album muri Leta Zunze Ubumwe za Amerika mu myaka cumi n’ibiri ishize. Ni na we muhanzi wo mu Bwongereza ukoze amateka yo gucuruza kopi miliyoni icumi muri iki gihugu.

Yashyikirijwe igihembo cy’umuhanzi ufite ‘album yahawe inyenyeri ya diyama i New York nyuma ya kimwe mu bitaramo bitandatu yakoreye muri Madison Square Garden bikitabirwa mu buryo bukomeye.

Afite indi album yitwa ‘21’ yasohoye mu mwaka wa 2011, icyo gihe ikigo cya Recording Industry Association of America cyamuhaye igihembo nk’iki. Kugeza ubu imaze gucuruzwamo kopi miliyoni 14.

Mbere ya Adele, hari abandi bahanzi bakoze album zigacuruzwamo kopi zigera kuri miliyoni icumi barimo Usher muri 2004, Eminem na Norah Jones mu mwaka wa 2002.

Album ya gatatu ya Adele yayise "25", yasohotse ku itariki ya 20 Ugushyingo 2015 ndetse niyo iri imbere mu zaguzwe cyane kurusha izindi. Kuva yajya hanze ntiyagurishijwe ku mbuga za internet nka Spotify na Apple Music mu gihe abahanzi bakunze kuza imbere baba barakuye amafaranga menshi kuri internet.

Adele abaye umuhanzi wa mbere wacuruje kopi nyinshi za album mu myaka 12 ishize

Sky News itangaza ko indirimbo ‘Hello’ na ‘Send My Love (To Your New Lover)’ ziri mu zatumye iyi album icuruzwa cyane.

Kuri uyu wa 27 Nzeri, byatangajwe ko Adele yatoranyijwe mu byiciro bitanu mu bihembo bikomeye bya MTV’s Europe Music Awards. Mu byo ahataniye harimo indirimbo nziza y’umwaka[Hallo] ndetse n’umuhanzi mwiza w’igitsinagore.

Iyi album kandi yaje ku mwanya wa mbere mu zaguzwe cyane mu mwaka wa 2015, yari imbere y’Umwongereza witwa Ed Sheeran, Taylor Swift na Justin Bieber na bo bari bafitemo album zakunzwe.

Adele yari amaze iminsi akorera ibitaramo muri Amerika

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza