Kwamamaza

Abahanzi batanu ba Afurika bahatanye muri MTV Europe Music Awards

Yanditswe kuya 28-09-2016 saa 09:07' na Remesha Jr.


Abahanzi batanu bakomeye muri Afurika bari mu batoranyijwe guhatanira ibihembo mpuzamahanga bya MTV Europe Music Awards (MTV EMAs) bizatangirwa mu Mujyi wa Rotterdam mu Gushyingo 2016.

Urutonde rurambuye rw’abahanzi bahataniye ibi bihembo rwatangajwe ku mugoroba wo kuri uyu wa 27 Nzeri 2016. Beyonce na Justin Bieber ni bo bari mu byiciro byinshi kurusha abandi aho buri wese yatoranyijwe muri bitanu mu gihe.

Umwongereza Adele ari mu byiciro bine, naho The Weeknd, Rihanna, Drake, Ariana Grande na Kanye West buri wese ahatanye mu byiciro bitatu.

Mu bahanzi ba Afurika batoranyijwe gutanira MTV EMAs umwaka wa 2016 harimo Ali Kiba (Tanzania), Black Coffee (Afurika y’Epfo), Cassper Nyovest (Afurika y’Epfo),Olamide (Nigeria) na Wizkid (Nigeria).

Aba bahanzi bose kandi baherutse gutoranywa mu bindi bihembo bikomeye bya MTV Africa Music Awards (MAMAs) bizatangwa kuwa 22 Ukwakira 2016. Mu bihugu byabo, uko ari batanu barakunzwe cyane ndetse umuziki wabo umaze kwamamara muri Afurika no hanze.

Ali Kiba azwi cyane mu ndirimbo ze nka ‘Aje’, ‘Mwana’, ‘Chekecha Cheketua’, ‘Cinderella’ n’izindi. Yaririmbanye n’abahanzi bakomeye muri Afurika no ku Isi nka R. Kelly.

Cassper Nyovest ari mu bahanzi ba mbere bakunzwe muri Afurika y’Epfo ndetse umuziki we uracuruzwa cyane iwabo, yakoranye indirimbo n’umuraperi w’Umunyamerika Talib Kweli mu yitwa ‘F**k The Money’.

Mugenzi we Black Coffee aherutse kuba umuhanzi wa mbere muri Afurika y’Epfo watwaye igihembo gikomeye cya BET 2015 ndetse na we arakunzwe cyane iwabo. Uyu yasubiyemo indirimbo ‘In Common’ ya Alicia Keys.

Olamide akunzwe cyane muri Nigeria ndetse muri 2015 ni we wari imbere mu bahanzi bo muri iki gihugu bafite indirimbo zarebwe cyane kuri YouTube. Indirimbo ye ‘Bobo’ yo kuri album ‘Eyan Mayweather’ iri mu zakunzwe cyane muri Afurika. Wizkid na we amaze kuba umuhanzi ukomeye muri Afurika kandi ukunzwe no mu bindi bihugu, aheruka kuririmbana n’abahanzi bakomeye ku Isi nka Drake,Chris Brown na French Montana.

Ali Kiba agiye guhatanira iki gihembo nyuma y'uko muri 2015 cyatwawe na Diamond na we wo muri Tanzania

Ibihembo bya MTV EMAs bitangirwa i Burayi kuva mu 1994, hahembwa abahanzi mu byiciro bitandukanye ariko aho bitandukaniye na MTV Music Awards(ikurikiza amatora y’abafana) ni uko amategeko abigenga ngo hamenyekane umuhanzi watsinze bihindagurika buri mwaka ndetse n’aho bitangirwa hakaba hahinduka uko umwaka utashye.

Kuri iyi nshuro bizatangirwa ahitwa Ahoy Rotterdam mu Mujyi wa Rotterdam mu Buholandi ku itariki ya 6 Ugushyingo 2016.

Wizkid uherutse kuza mu Rwanda ahataniye MTV EMAs
Olamide wo muri Nigeria
Cassper Nyovest wo muri Afurika y’Epfo
Black Coffee wo muri Afurika y'Epfo aherutse guhabwa igihembo cya BET mu cyiciro cy'Abanyafurika

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved