Abafana babiri ba Diamond Platnumz bitabye Imana

Yanditswe na Munyengabe Murungi Sabin
Kuya 23 Mutarama 2018 saa 09:21
Yasuwe :
0 0

Umuririmbyi Diamond Platnumz wari umaze iminsi mu Rwanda yageze muri Tanzania yakirizwa inkuru mbi y’urupfu rw’abafana be b’inkoramutima bapfuye mu mpera z’icyumweru gishize.

Aba bafana bazwi nka bamwe mu ba mbere mu nkoramutima za Diamond Platnumz, bari no mu bagize uruhare rukomeye kandi mu guhangana n’ibitero byagiye bigabwa kuri uyu muhanzi ku mbuga nkoranyambaga cyane cyane mu kumuhanganisha na Ali Kiba n’ibibazo by’uruhurirane yagiye agirana na Zari mu minsi yashize.

Abitabye Imana ni abasore babiri mu kigero cy’imyaka 22. Amazina yabo azwi ni ayo bakoreshaga ku rubuga rwa Instagram, umwe yitwaga Philly Nevvo mugenzi we akiyita Platnumz Mondi.

Ikinyamakuru Bongo5 cyatangaje ko Philly Nevvo na mugenzi we bitabye Imana ku mugoroba wo ku Cyumweru tariki ya 21 Mutarama 2018. Aba bombi baguye mu mpanuka y’imodoka ubwo bari mu rugendo bava Morogoro berekeza mu Mujyi wa Dar es Salaam aho basanzwe baba.

Iyi mpanuka yabaye bageze mu gace kitwa Chalinze. Diamond yunamiye aba bafana be ndetse ahamya ko bazakomeza kubibuka by’iteka ryose kubera ‘ubwitange n’urukundo’ bagaragarije inzu ya Wasafi Records muri rusange.

Diamond Platnumz yanditse ati “Imbere yanyu inyuma yacu, iminsi yose tuzakomeza kubibuka no guha agaciro urukundo rukomeye mweretse Wasafi Records […] Imana ishyire aheza roho zanyu.”

Aba bafana ba hafi ba Diamond bapfuye mu gihe we yari mu rugendo rw’akazi mu Mujyi wa Kigali aho yari yaje gutangiza gahunda y’ubucuruzi bwe, gukora ibikorwa by’urukundo no gusuhuza abafana mu bice bitandukanye bya Kigali.

Philly Nevvo, umwe mu bafana bakoranaga bya hafi na Diamond
Uyu yakundaga kwiyita Platnumz Mondi [akagira n'akandi kazina ka Shangari]

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza