00:00:00 IGIHE NETWORK KN KINYARWANDA EN ENGLISH FR FRANCAIS

Uwamariya waririmbaga muri korali Jehovah Jireh yishwe na Coronavirus atwite inda y’amezi atandatu

Yanditswe na Nsengiyumva Emmy
Kuya 17 Nyakanga 2021 saa 11:49
Yasuwe :
0 0

Icyorezo cya Covid-19 gikomeje gukaza umurego yaba ku Isi muri rusange ndetse no mu Rwanda by’umwihariko, iyi ni nayo yahitanye Uwamariya Benie Grace waririmbaga muri korali Jehovah Jireh witabye Imana mu ijoro ryo kuri uyu wa Gatanu rishyira ku wa Gatandatu tariki 16-17 Nyakanga 2021, apfana n’umwana w’amezi atandatu yari atwite.

Aya makuru IGIHE yayahamirijwe n’umwe mu baririmbyi b’iyi korali wavuze ko uyu muririmbyi yishwe na Covid-19 yari amaze iminsi arwaye, ati “Yari afite intege nke kuko yamufashe anatwite inda y’amezi atandatu, yari amaze iminsi mu bitaro!”

Uwamariya yinjiye muri korali Jehovah Jireh yamenyekaniyemo cyane ubwo yigaga muri Kaminuza ya ULK.

Nyakwigendera yitabye Imana amaze imyaka irindwi arushinze na Gakire Aimable asiganye umwana umwe babyaranye.

Uyu mubyeyi yahitanywe na Covid-19 mu gihe mu Rwanda hatangiye gushyirwaho ingamba zikomeye zo kuyihashya, Uturere umunani n’Umujyi wa Kigali twari twugarijwe tukaba twose twamaze gushyirwa muri Guma mu Rugo guhera kuri uyu wa Gatandatu tariki 17 Nyakanga 2021.

Kugeza uyu munsi mu Rwanda harabarurwa abarwayi ba Coronavirus 14.716 barimo 74 barembye bakiri kwitabwaho n’abaganga.

Nibura abantu 52.552 bamaze gusanganwa ubwandu bwa Covid-19 mu bipimo 1.762.774 bimaze gufatwa kuva muri Werurwe 2020.

Uyu mubyeyi yapfanye n'umwana w'amezi atandatu yari atwite

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .