Kwamamaza

Urugaga rw’umusaraba w’ikuzo rugiye kwizihiza Yubile y’imyaka 25

Yanditswe kuya 16-09-2016 saa 08:53' na Joel Sengurebe


Umuryango wa gikirisitu ‘Urugagaga rw’umusaraba w’ikuzo’ [Mission de la Croix Glorieuse] ubarizwa mu Bafaransisikani mu Rwanda ugiye kwizihiza ibirori bya Yubile y’imyaka 25 umaze ushinzwe.

Mission de la Croix Glorieuse washinzwe na Sengayire Jean Baptiste mu mwaka wa 1991 afite intego yo gufasha abana b’imfubyi n’abanduye agakoko gatera Sida baba bafite ibibazo bikomeye by’imibereho mu kubagarurira icyizere cy’ubuzima.

Sengayire Jean Baptiste washinze uyu muryango mu kiganiro yagiranye n’itangazamakuru yavuze ko yagize igitekerezo cyo gushinga Mission de la Croix Glorieuse mu rwego rwo guha agaciro umusaraba ndetse no gutanga umusanzu mu gufasha igihugu kwita ku bafite ibibazo by’ubuzima bitandukanye.

Yavuze ko uyu muryango ufite icyerekezo gihamye cyo kwiyamaza Imana mu isengesho riherekejwe n’ibikorwa bigaragara.

Yagize ati “Ubundi uyu muryango Umusaraba w’ikuzo wabayeho nk’ikimenyetso cyo guha agaciro umusaraba tugahindura imyumvire y’abantu batekereza ko umusaraba ari ikintu kibi kuko muri wo haba harimo urukundo rukomeye ukitanga rukanagera no ku rwego rwo kuba wakwitanga nk’uko Yezu Kirisitu yabigenje.”

Mu myaka 25 umuryango Mission de la Croix Glorieuse umaze ukorera muri Kiliziya Gatolika wakoze ibikorwa bikomeye birimo kuba warubatse aho basengera hazwi nko ‘Ku murwa wo gutsinda ku Kicukiro mu Murenge wa Kigarama.

Umuryango kandi wubatse ibigo by’amashuri yisumbuye birimo Saint Jacob, Ecole Secondaire ESA-Gikondo n’ikigo cy’amahugurwa cya Professionnel PTC n’ibindi bikorwa bitandukanye.

Ugiye kwizihiza Yubile y’imyaka 25 umaze kugira amashami arimo umuryango w’umusaraba w’ikuzo za François d’Assise, Ababikira b’Abafaransisikani b’intumwa z’umusaraba w’ikuzo, Abafureri b’Abafaransisikani[Frères Franciscains] b’intumwa z’umusara w’ikuzo ndetse n’urubyiruko rw’umusaraba w’ikuzo rwa Saint François d’Assise.

Sengayire Jean Baptiste washinze uyu muryango

Umuryango ‘Urugaga rw’umusaraba w’ikuzo’ ukorera muri Kiliziya Gatolika, ufite ikicaro gikuru muri Paruwasi yitiriwe Mutagatifu Saint Vincent Palotti. Uzizihiza isabukuru y’imyaka 25 mu birori bikomeye bizitabirwa n’abayobozi bakuru ba Kiliziya Gatolika mu Rwanda, ab’inzego za leta n’abandi bashyitsi bagera kuri 16 bazaturuka mu bindi bihugu.

Ibi birori bizabera mu Karere ka Kicukiro mu Murenge wa Kigarama kuri uyu wa Gatandatu taliki ya 17 Nzeri 2016 kuva ku isaha ya saa yine kugera saa cyenda bikazabanzirizwa n’igitambo cya misa ahazwi nko mu "Byimana".


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved