Kwamamaza

Tonzi asanga abaririmba mu rusengero bakwiye guhabwa ku maturo

Yanditswe kuya 27-09-2016 saa 16:17' na IGIHE


Umuririmbyi Uwitonze Clementine [Tonzi ] wabikoze kuva agitangira guca akenge ashimangira ko abahanzi baririmba mu rusengero bihoraho bagakwiye guhabwa umugabane ku mature itorero ryinjiza.

Tonzi yakuranye impano yo kuririmba aho yatangiye akiri umwana muto cyane ahagarikwa ku meza kugira ngo abantu bamubone. Impano yaje kwaguka ajya mu makorali atandukanye, mu mwaka wa 2004 atangira umuziki ku giti cye.

Ni umwe mu bahanzi b’igitsinagore baririmba indirimbo zihimbaza Imana umaze kwagura umwuga we mu buryo bukomeye.

Kuba Tonzi yarakuriye mu muryango usenga byaramufashije cyane kuko ntiyigeze ateshuka ngo ate umurongo wa gikristu yatojwe kuko kuva mu bwana yakuranye inzozi zo kuba umuhanzi ukomeye w’indirimbo z’Imana.

Yavuze ko abahanzi baririmba indirimbo zihimbaza Imana bakwiye guhembwa na Kiliziya cyangwa itorero bakorera kuko ngo ‘hejuru y’uko ari umuhanzi uririmbira Imana na we agira ubuzima busanzwe abamo kandi bukenera ubushobozi bw’amafaranga kugira ngo abeho’.

Ati “Ijambo ry’Imana riravuga ngo muzane imigabane ya kimwe mu icumi mu nzu yanjye kugira ngo habemo ibyo kurya, ibyo kurya bije mu nzu y’Imana ubundi ni ukuvuga ngo umwana mu rugo ntakwiye kwicwa n’inzara. Mu nzu y’Imana rero habamo abantu, ntabwo habamo intebe , mu nzu y’Imana ni wa muryango wa gikirisitu hanyuma Imana igashyiraho umushumba nk’umubyeyi.”

Yongeyeho ati “Sinzi niba ari uku mu rusengero bimeze, bya byo kurya umushumba akabigabanya abana uko bingana, niba atanafite ubushobozi akabibwira abana […] kuko mu rusengero baratura buri munsi. Ariko tumenye ngo mu muryango wacu wenda ntibyinjira neza ariko twese tubeho.”

“Hari nk’ahantu bakubwira ngo ko utakiboneka, mfite bwa buzima bwa buri munsi, hari ukuri kuzwi, nyir’inzu nkodesha araza akambwira ati ‘ko utishyura’.”

Tonzi uri mu bahanzi b’igitsinagore bakunzwe muri iki gihe yavuze ko hari abaririmbyi b’indirimbo zihimbaza Imana bakorera insengero nk’akazi gahoraho ariko ntibahabwe umugabane ku mature yinjira , ibintu asanga bibangamye cyane.

Tonzi asanga abahanzi baririmba mu rusengero bakwiye kujya bahabwa ku maturo yinjiye

Ati “Icyo kibazo kibaho njyewe ndabivugisha ukuri, ni hahandi tugonganira usanga n’abantu benshi bambura abandi. Ndaza nkakuguza amafaranga kuko mba nje nk’umukirisitu ukayampa ejo nkayabura[….]niba ndi umukozi uhoraho mu itorero nkwiye guhembwa.”

Yongeraho ati “Ntekereza ko kuba ahantu uri umutwaro nta n’ubwo umuntu yakumva Imana usenga. Ntekereza ko mu nzu y’Imana hakagombye kuba hari ubutunzi cyane kurusha no hanze.”

Mu kiganiro na Radio Rwanda Tonzi yabajijwe niba koko asanga ari ngombwa ko umuhanzi mu itorero ahabwa ku mature yinjira, yasubije ati “Cyane rwose kuko turi abana mu rugo!”


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved