Patient Bizimana na Mbonyi batumiwe mu gitaramo cyo kuramya cya Heman Worshipers

Yanditswe na Munyengabe Murungi Sabin
Kuya 27 Nzeri 2016 saa 08:45
Yasuwe :
0 0

Heman Worshipers International ibarizwa mu itorero Louange rifite icyicaro i Gikondo mu Mujyi wa Kigali, yateguye igitaramo gikomeye yise ‘Kuramya ni ijuru ku Isi Live DVD Launch’’ kizaba ku itariki ya 9 Ukwakira 2016.

Iki gitaramo kizahuza Heman Worshipers International n’abahanzi bakunzwe cyane muri iki gihe mu ndirimbo zihimbaza Imana Patient Bizimana na Israel Mbonyi ndetse n’amwe mu matsinda akomeye yo kuramya no guhimbaza yo mu Rwanda.

Umuyobozi wa Heman Worshipers International, Bigangu Prosper yabwiye itangazamakuru ko iki gitaramo cyabo ‘Kuramya ni ijuru ku isi Live DVD Launch’ kizaba tariki 9 Ukwakira 2016 kikazabera i Nyarutarama ku rusengero rwa Christian Life Assembly (CLA) guhera saa cyenda z’amanywa kugeza saa moya z’umugoroba.

Yagize ati “Muri iki gitaramo cyacu, Heman worshipers International izaba iri kumwe na Patient Bizimana, Israel Mbonyi ndetse n’amwe mu matsinda akomeye ndetse akunzwe cyane hano mu Rwanda; Alarm Ministries, Gisubizo Ministries, Healing Worship Team na True Promises n’abandi.”

Yavuze ko muri iki gitaramo cyabo biteze kuzaboneramo umugisha kandi roho z’abazacyitabira zizarushaho kwegerana n’Imana binyuze mu nyigisho zizatangwa na Pastor Julienne Kabanda.

Iki gitaramo kirihariye, kucyinjiramo ni ukugura DVD yakozwe mu buryo bw’umwimerere [Live] ari nayo izamurikwa uwo munsi. Ku munsi w’igitaramo izaba igurishwa amafaranga ibihumbi bitanu(5000Frw). Abazinjira bataguze DVD bazishyura ibihumbi bitatu (3000Frw) nk’uko ubuyobozi bwa Heman Worshipers bwabitangaje.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza