Kwamamaza

Kuki Apôtre Masasu yagaye abaririmbyi bo mu itorero rye?

Yanditswe kuya 30-08-2016 saa 09:03' na IGIHE


Itsinda ryo kuramya no guhimbaza Imana “Shining Stars” riherutse gukora igitaramo gikomeye cyitabiriwe n’abakirisitu amagana, cyabereye i Masoro ku Cyumweru tariki ya 28 Kanama 2016.

Iki gitaramo cyiswe ‘Slaves of Worship’ cyabereye ku itorero Evangelical Restoration Church i Masoro. Intumwa y’Imana Apôtre Masasu yari mu batumirwa bakuru gusa mu byo yahavugiye yahavuye anenze cyane abateguye igitaramo bakanashyiramo uburyo bwo kuzamura imyotsi ku rubyiniro.

Yavuze ko “ibintu batazi iyo bituruka badakwiye kubizana mu nzu y’Imana”. Apôtre Masasu yashimangiye ko hari byinshi bikoreshwa n’abadakijijwe ndetse n’abakijijwe bakabikora batazi impamvu n’imvano yabyo. Yahamije ko ‘ikiba kigomba kwitonderwa ari umwuka uba ubiherekeje’.

Uyu mukozi w’Imana yibukije abaririmbyi ko inzu y’Imana idakwiye kwinjiramo ibibonetse byose kuko hari ubwo abantu baba batazi iyo byaturutse.

Yagize ati “Ntimugakoreshe ibintu muba mutazi n’iyo byaturutse. Imyotsi? Murajya gukoresha imyotsi kubera iki mwakoresheje amatara ko yaka neza?”.

Apotre Masasu yavuze ko iyi myotsi ifite imyuka mibi iba iyiherekeje

Iyi myotsi ubusanzwe yifashishwa n’abahanzi mu bitaramo bikomeye ikaba itangwa n’imashini izwi nka [smoke machine]. Iyi mashini ivubura imyotsi ifite amabara atandukanye haba ubururu, umutuku, umuhondo, umweru n’urundi ruvange rw’amabara mu kongera ubwiza bw’aho umuhanzi aririmbira.

Iyi myotsi isanzwe yifashishwa mu bitaramo by'abahanzi mu bihugu byinshi
I Kigali, urubyiniro rwa Stromae iyi myotsi yari ihari

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 27 September 2016
Copyright © 2009 -2014 - IGIHE Ltd - All Rights Reserved