00:00:00 IGIHE NETWORK KN KINYARWANDA EN ENGLISH FR FRANCAIS

Korali Inyange za Mariya igeze kure imyiteguro yo kwizihiza Yubile y’imyaka 25

Yanditswe na Nsengiyumva Emmy
Kuya 5 Ugushyingo 2021 saa 11:45
Yasuwe :
0 0

Korali Inyange za Mariya iri mu zimaze kuba ubukombe muri Kiliziya by’umwihariko muri cathédrale St Michel ya Arikidiyosezi ya Kigali.

Iyi korali yatangiye ku wa 8 Ukuboza 1997, ivukira mu muryango remezo wa Kinyange mu Gitega, ikaba yatangiye urugendo rwo kwizihiza Yubile y’imyaka 25 imaze ikora umurimo w’Imana.

Mu gihe yitegura kwizihiza isabukuru y’imyaka 24 imaze, ubuyobozi bw’iyi korali yisunze Bikiramariya utarasamanywe icyaha, bwabwiye IGIHE ko bazaba banategura umunsi mukuru wa Yubile y’imyaka 25 uteganyijwe umwaka utaha.

Niyitegeka Charles, Perezida w’iyi korali yavuze ko umwaka utaha aribwo bazaba banamurika Album yabo ya gatatu izaba iya mbere yabo ikoze mu buryo bw’amajwi n’amashusho.

Ati “Ebyiri za mbere twakoze zari mu buryo bw’amajwi gusa, ariko ubu iyi turi gukoraho yo yakorewe n’amashusho.”

Ku ikubitiro, iyi korali yasohoye indirimbo nshya bise ‘Urukundo rw’Imana’ yahimbwe n’umwe mu banyamuryango babo witwa Mugabe Jean Jacques Bertrand ubu utuye muri Leta Zunze Ubumwe za Amerika.

Iyi ndirimbo ndetse n’izindi nyinshi zizaba ziri kuri Album ziri gukorerwa muri studio ya Ishuho Ltd.

Iyi ndirimbo nshya ya korali Inyange za Mariya mu buryo bw’amajwi yakozwe na Producer Nicolas Mucyo mu gihe amashusho yayo yo yafashwe anatunganywa na Fayzo afatanyije na Toussaints.

Korali Inyange za Mariya imaze kuba ubukombe muri Kiliziya, by’umwihariko muri cathédrale St Michel ya Arikidiyosezi ya Kigali
Korali Inyange za Mariya igiye kwizihiza Yubile y'imyaka 25 banamurika Album yabo ya gatatu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .