Kwamamaza

Itorero Redeemed Gospel Church mu masengesho y’iminsi 40 risengera igihugu

Yanditswe kuya 6-09-2016 saa 08:40' na Joel Sengurebe


Itorero rya Redeemed Gospel Church Rwanda ryongeye gutegura igiterane ngarukamwaka kizamara iminsi 40 ,uyu mwaka kizibanda ku gusengera itorerero n’u Rwanda.

Iki giterane cy’amasengesho cyatangiye kuwa 1 Nzeri kizasozwa kuwa 10 Ukwakira 2016, kizabera aho iri torero rigiye kwimukira mu Mujyi wa Kigali mu nyubako yahoze ikoreramo BK.

Hashize iminsi ine itorero rya Redeemed Gospel Church Rwanda riyobowe na Bishop Rugagi Innocent ritangiye amasengesho y’iminsi 40 afite intego iboneka muri Ezekiyeri 21:32 handitse ngo “Nzabyubika,nzabyubika, nzabyubika nabyo ntibizongera kubaho kugeza igihe nyirabyo ubifitiye ubushobozi azazira nanjye nzabimuha”.

Bishop Rugagi Innocent mu kiganiro yagiranye na IGIHE yavuze ko iki giterane cy’amasengesho y’iminsi 40 bagitegura bafite intego yo gusengera ibyifuzo bikomeye by’abantu ndetse n’indwara zananiranye zibashe gukira .

Yakomeje avuga ko aya masengesho aba ari umwanya wo gusengera igihugu cy’u Rwanda. Ati “Ubu twanateguyemo umunsi wose wo kwirirwana n’abayobozi b’amatorero menshi ya hano mu Rwanda ndetse tunatumira abayobozi mu nzego zitandukanye z’igihugu yaba za Minisiteri ndetse n’ubuyobozi bw’Umujyi wa Kigali n’abandi ngo tuzafatanye gushyira igihugu cyacu mu biganza by’Imana.”

Bishop Rugagi yakomeje agira ati “Mbere ya byose turashima Imana ko igenda itwiyereka muri aya masengesho tukaba dufite ubuhamya bw’abantu benshi bagiye bakira indwara zikomeye zari zarananiranye,abandi bakakira Yesu, itorero ry’Imana rikaguka kugeza ubwo Kimisagara aho twasengeraga habaye hatoya cyane ubu tukaba turi kwitegura kwimukira mu mujyi mu nyubako yahoze ikoreramo Banki ya BK.”

Bishop Rugagi Innocent

Mu gihe cy’iminsi 40 y’iki giterane kizabonekamo abakozi b’Imana bavuye hirya no hino ku isi nka Apôtre Peter Nyaga wo muri Tanzania , Juliane Kyula wo muri Kenya, Bishop Ashili wo muri mu Afurika y’Epfo, Pastor Jacob wo muri Australia n’abandi.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved