Ibirori byo gutangiza Groove Awards ku nshuro ya kane mu Rwanda (Amafoto)

Yanditswe na Munyengabe Murungi Sabin
Kuya 5 Nzeri 2016 saa 11:25
Yasuwe :
0 0

Ibihembo bikomeye mu Rwanda mu gice cy’abahanzi n’amakorali aririmba indirimbo zihimbaza Imana, Groove Awards bigiye kongera gutangwa ku bahanzi bazahiga abandi harebewe ku bikorwa n’amajwi azatangwa n’abaturage.

Ku gicamunsi cyo kuri iki Cyumweru muri Kigali Serena Hotel habereye ibirori byo gutangiza ku mugaragaro ibikorwa bya Groove Awards Rwanda ku nshuro ya kane, aho byitabiriwe n’abahanzi , amatsinda yo kuramya no guhimbaza , Korali ndetse n’abavugabutumwa baturutse mu matorero atandukanye yo mu Mujyi wa Kigali.

Insanganyamatsiko y’uyu mwaka wa 2016 igira iti “Come as you are”[Ngwino uko uri] nk’uko byanditswe muri Bibiliya muri Matayo 11:28 mu gihe iy’umwaka washize yavugaga ngo ‘reka urumuri rwawe rurabagirane’.

Ibi birori byari byanitabiriwe n’abayobozi ba Groove Awards Kenya ndetse na Mo sound ari nayo yatangije iki gikorwa mu myaka 11 ishize mu gihugu cya Kenya.

Mu kiganiro na Hubert Rene ushinzwe itangazamakuru no guhuza ibikorwa muri Groove Awards Rwanda yatangaje ko uyu mwaka Groove Awards Rwanda izanye udushya twinshi harimo ibitaramo by’abahanzi b’indirimbo zihimbaza Imana ( Groove Tour ) bizabera mu matorero yo mu Mujyi wa Kigali.

Yanavuze ko hiyongereyemo ibyiciro mu bahatanira ibihembo bya Groove Awards ndetse ngo uyu mwaka bashyizeho gahunda yo kurushaho gukorera ubuvugizi abakora ibikorwa bitandukanye by’iyamamaza butumwa mu Rwanda.

Yagize ati “Uyu mwaka muzabona ibyiciro bizahembwa bishya kandi byose bigizwe n’abakozi b’Imana. Ikindi ni uko hazabaho ibitaramo bibiri bizabera hirya no hino mu matorero twemeza ko ari manini kandi abahanzi n’amakorali bakazabasha kugeza ubutumwa baririmba ku bantu."

Groove Awards Rwanda yashyikirije abantu batanu ibihembo byabo batari barashyikirijwe mu Gushyingo 2015 bitewe n’uko byari byangiritse bipakururwa.

Umuyobozi w’akanama nkemurampaka muri Groove Awards Rwanda Pastor John Kaiga yavuze ko bakoze uko bashoboye bakongera imbaraga mu bagize akanampa nkemurampaka , yemeza ko ibibazo byajyaga bigaragara bizashira burundu.

Yagize ati “Umwaka ushize twabonye abahanzi biyandikishije bagera kuri magana abiri,ni icyerekana ko twateye imbere, hari n’ibindi byiza muzabona kuko uko imyaka ishira niko bigenda biba byiza. Icyo tugamije ni uguha urubuga abahanzi no kubafasha kwerekana impano zabo ibyo bahanga bikagera kure.”

Umuyobozi w’akanama nkemurampaka muri Groove Awards Rwanda Pastor John Kaiga

Uyu muyobozi yashimiye abahanzi uburyo bitwaye mu mwaka wa 2015, abasaba kurushaho gukora cyane ivugabutumwa nk’uko ariwo muhamagaro wabo Imana yabahaye.

Abifuza kwiyandikisha ngo bitabire ibihembo bya Groove Awards basanga impapuro zo kuzuza aha kuri : Blues Coffee mu Mujyi mu nyubako ya La bonne Addresse , i Nyamirambo ahakorera ibyishimo.com ( Mbaya’s House kuri 40 ), kuri Amani Restaurant mu Mujyi ndetse no kuri Radio Umucyo mu nyubako ya T2000 cyangwa bagasura urubuga rwa Groove Awards Rwanda www.grooveawards.co.rw.

Light Gospel Choir izwi mu ndirimbo 'Yansezeranyije' yishimiwe cyane
Abaririmbyi ba Light Gospel choir
Mu birori byo gutangiza Groove Awards
Umuhanzi Peniel yaririmbiye abaje gutangiza Groove Awards Rwanda
Fanny Wibabara ni we wari uyoboye ibirori
Pastor John Kaiga yavuze ko Groove Awards yazanye impinduka uyu mwaka
David K. ni we ukuriye akanama nkemurampaka muri Groove Awards Kenya
Hubert Rene ushinzwe itangazamakuru no guhuza ibikorwa muri Groove Awards Rwanda
Umuyobozi w’akanama nkemurampaka muri Groove Awards Rwanda Pastor John Kaiga
Patient Bizimana yitabiriye ibi birori
Uyu yafashe igihembo cya Nzaramba Olivier uba mu Bwongereza
Umunyamakuru Daniel Ntirenganya yashyikirijwe igihembo yatsindiye ubushize

Amafoto: Mahoro Luqman


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244