Kwamamaza

Groove Awards yatanze amahirwe angana ku bahanzi bahatanira ibihembo

Yanditswe kuya 20-09-2016 saa 12:47' na IGIHE


Ibihembo bikomeye mu Rwanda mu gice cy’abahanzi n’amakorali aririmba indirimbo zihimbaza Imana, Groove Awards bigiye kongera gutangwa ku bahanzi bazahiga abandi harebewe ku bikorwa n’amajwi azatangwa n’abaturage.

Groove Awards Rwanda yafunguwe ku mugaragaro kuwa 4 Nzeri 2016 mu birori byabereye muri Kigali Serena Hotel, byitabiriwe n’abahanzi , amatsinda yo kuramya no guhimbaza , Korali ndetse n’abavugabutumwa baturutse mu matorero atandukanye yo mu Mujyi wa Kigali.

Insanganyamatsiko y’uyu mwaka wa 2016 igira iti “Come as you are”[Ngwino uko uri] nk’uko byanditswe muri Bibiliya muri Matayo 11:28 mu gihe iy’umwaka washize yavugaga ngo ‘reka urumuri rwawe rurabagirane’.

Abateguye ibi bihembo bavuga ko batanze amahirwe angana ku bahanzi kugira ngo hatagira ucikanwa nk’uko byagendaga mu myaka yashize bamwe ntibaboneke mu bahabwa ibihembo kandi barakoze cyane.

Rene Hubert ushinzwe itangazamakuru muri Groove Awards yavuze ko abahanzi bifuza kwibona mu bahatanira ibihembo uyu mwaka bahawe igihe ntarengwa cyo kwiyandikisha buri wese mu cyiciro cye kugira ngo hatazagira ucikanwa.

Yagize ati “Birashoboka ko hari abahanzi batorwa bakajya mu byiciro batariyandikishije rimwe na rimwe bakegukana ibihembo ariko hari n’abatabyegukana bitewe n’uko abo bari mu byiciro bimwe bakoze cyane uwo mwaka kubarusha. Gusa hari abagiyemo babikesha kuba bariyandikishije kuko wasangaga abashinzwe kubatora hafi ya bose batabahurijeho.”

Yongeraho ati “Mu rwego rwo kubaha ijambo ni yo mpamvu Groove Awards Rwanda yemeye ko umuhanzi wumva neza uburemere bw’igihangano cye n’umurimo cyakoze yagitora , akanagiha amahirwe yo kuzagaragara muri Groove Awards , kuko binafasha abashinzwe akanama nkemurampaka iyo bari kugenzura.”

Yavuze ko hasigaye iminsi itanu gusa yo kwiyandikisha bityo abahanzi bari mu Rwanda no mu mahanga baririmba indirimbo zihimbaza Imana bakaba bahamagariwe kwiyandikisha mbere y’uko igihe ntarengwa kigera.

Yavuze ko muri uyu mwaka Groove Awards yazanye udushya turimo ibitaramo bizabera hirya no hino mu gihugu abahanzi biyereka abakunda ibihangano byabo.

Ati “Ikindi ni uko hazabaho ibitaramo bibiri bizabera hirya no hino mu matorero twemeza ko ari manini kandi abahanzi n’amakorali bakazabasha kugeza ubutumwa baririmba ku bantu benshi, bakarushaho kumenya Yesu, abandi bakakira agakiza. Ntabwo nakwibagirwa ko uyu mwaka ari bwo Groove awards Rwanda izerekana izindi mpano nshya mu cyo twise ’Gifted Voices’ .”

Abiyandikisha bateguriwe udusanduku bashyiramo urupapuro rukubiyeho ibisabwa n'umwirondoro

Abifuza kwiyandikisha ngo bitabire ibihembo bya Groove Awards basanga impapuro zo kuzuza aha kuri : Blues Coffee mu Mujyi mu nyubako ya La bonne Addresse , i Nyamirambo ahakorera ibyishimo.com ( Mbaya’s House kuri 40 ), kuri Amani Restaurant mu Mujyi ndetse no kuri Radio Umucyo mu nyubako ya T2000 cyangwa bagasura urubuga rwa Groove Awards Rwandawww.grooveawards.co.rw.


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 27 September 2016
Copyright © 2009 -2014 - IGIHE Ltd - All Rights Reserved