Kwamamaza

Icyamamare Daddy Owen azaririmba mu birori bya Groove Awards i Kigali

Yanditswe kuya 10-11-2016 saa 09:45' na Munyengabe Murungi Sabin


Umuhanzi w’icyamamare muri Kenya Owen Mwatia "Daddy" Owen yatumiwe mu bahanzi bazaririmba mu birori bikomeye byo gutanga ibihembo bya Groove Awards Rwanda bizaba kuwa 13 Ugushyingo 2016.

Owen Mwatia wamamaye nka Daddy Owen ni umuhanzi, umwanditsi w’indirimbo akaba na Producer mpuzamahanga ukorera mu gihugu cye cya Kenya. Daddy Owen ni umuvandimwe w’umuhanzi Rufftone, umwe mu bafite izina rikomeye muri Afurika y’Uburasirazuba.

Daddy Owen azwi cyane mu ndirimbo zakunzwe zirimo "Mbona", "Foundation", "Tobina", "Kazi ya Msalaba", "Saluti", "System ya Kapungala" n’izindi nyinshi.

Abategura Groove Awards Rwanda babwiye IGIHE ko uyu muhanzi w’imyaka 34 y’amavuko byamaze kwemezwa ko azataramana n’Abanyarwanda mu mpera z’iki cyumweru mu birori byateguwe na Groove Awards bizabera muri Kigali Serena Hotel.

Mu kiganiro na Rene Hubert ushinzwe itangazamakuru no guhuza ibikorwa muri Groove Awards Rwanda , yavuze ko imyiteguro yose y’ibi birori iri kugenda neza , bakaba bizeye ko umuhango wo gutanga ibihembo uzagenda neza kurusha imyaka yatambutse.

Yagize ati “Imyiteguro yose ya Groove Awards 2016 iri kugenda igana ku musozo , abahanzi bose bazaririmba bateguwe neza, twiteguye kwakira umwe mu bahanzi bakomeye mu ndirimbo zihimbaza Imana muri Afrika y’Uburasirazuba Daddy Owen.”

Daddy Owen wo muri Kenya azaririmba mu birori bya Groove Awards i Kigali

Uretse Daddy Owen, ibi birori bizasusurutswa n’abandi bahanzi bakomeye mu Rwanda nka Serge Iyamuremye, Gaby Kamanzi, Diana Kamugisha [aba bose banatwaye Groove Awards mu myaka yashize]. Abandi bahanzi bategerejwe kuririmba muri ibi birori harimo Brian Blessed, Beauty for Ashes , Kingdom of God Ministries na Gisubizo Ministries.

Diana Kamugisha azaririmba muri ibi birori
Gaby Kamanzi na we ari mu batumiwe bazasusurutsa ibirori

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved