Kwamamaza

Abahanzi bakunzwe bari muri Groove Awards bagiye guhurira mu gitaramo i Kigali

Yanditswe kuya 3-11-2016 saa 16:05' na IGIHE


Groove Awards Rwanda yateguye igitaramo cyo kwerekana Abanyarwanda batuye mu Mujyi wa Kigali abahanzi bari muri ibi bihembo mu byiciro 13 bihatanirwa, bazatarama n’abakunzi babo banababwira uko bashobora kubaha amajwi.

Igitaramo cya mbere cya Groove Awards Tour giheruka kuba kuwa 23 Ukwakira 2016 kuri Bethesda Holy Church ku Gisozi, cyitabiriwe n’umubare munini w’abakunda indirimbo zihimbaza Imana.

Ubuyobozi butegura ibi bihembo bwatangaje ko hagiye kuba ikindi gitaramo gikomeye kizaba kuwa 5 Ugushyingo 2016 kuri kuri New Life Bible Church ku Kicukiro hafi na Kagarama Secondly school.

Mu kiganiro na Pastor Kaiga John ukuriye akanama nkemurampaka muri Groove Awards Rwanda, yatangaje ko iki gikorwa kibafasha gukomeza gushyira mu bikorwa icyerekezo cy’ibihembo bya Groove Awards cyubakiye ku ngingo eshatu[kuzamura, kugaragaza no kumenyekanisha impano z’abaririmbyi ba Gospel muri Afurika].

Yagize ati “Groove Tour yifujwe n’Abanyarwanda , itangazamakuru ribidufashamo kandi koko natwe twabonaga ko bikwiye. Kugeza ubu ibyo badusabye tugasanga bikwiye twabishyize mu bikorwa ariko kandi nibindi bizagenda bikorwa neza uko ubushobozi bugenda buboneka.”

Yongeyeho ko ubuyobozi bwa Groove Awards bwiteze umubare munini w’abantu bazitabira iki gitaramo ashingiye ku migendekere y’icyabanjirije uru rugendo giherutse kubera kuri Bethesda Holy Church.

Ati “Icya mbere cyarabaye kandi cyagenze neza kuko twabonye abantu bakabakaba ibihumbi bitatu, abahanzi bari bitabiriye uretse abari bamaze gushyirwa mu cyiciro cya kabiri ari cyo kizakora ku wa Gatandatu. Turasaba Abanyarwanda bose bakunda indirimbo zihimbaza Imana n’abafite abahanzi bakunda bari muri Groove Awards 2016 ko bazaza kubashyigikira kuko ivugabutumwa bakora rikwiye gukomeza kwamamara.”

Mbere y’uko ibitaramo bya ‘Groove Tour’ bitangira habanje kubaho igikorwa kigamije gushaka impano nshya binyuze muri gahunda yiswe ’Gifted voices’. Abahanzi bakizamuka n’abataramenyekana baririmbye indirimbo zabo ndetse n’abigana iz’abandi hagamijwe kureba ubushobozi bwabo kugirango uzaba uwa mbere azakorerwe indirimbo muri studio ikomeye hano mu Rwanda bityo anakurikiranwe na Groove Awards Rwanda.

Pastor Kaiga John ati “Gifted Voices nayo ku nshuro ya mbere yatweretse ko abahanzi bahari baririmba indirimbo zihimbaza Imana, twabonye impano zitandukanye kandi zikeneye gushyigikirwa, aha nabwo turasaba abantu biyumvamo impano yo kuririmba ko baza bakarushanwa n’abandi. Birashoboka ko umuntu wumvaga ko ijwi rye ritashobora kuririmba cyangwa akumva aririmbye ntaho yagera byamubera inzira ikomeye yo gusohoza inzozi ze binyuze muri Gifted Voices.”

Iki gitaramo kizabera kuri New Life Bible Church ku Kicukiro kuwa 5 Ugushyingo 2016 kizitabirwa na benshi mu bahanzi baririmba indirimbo z’Imana biganjemo abakunzwe ndetse kwinjira nta kiguzi.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 2 Ukuboza 2016
Copyright © 2009 -2014 - IGIHE Ltd - All Rights Reserved