Zizou Alpacino yasubiyemo indirimbo irimo Bruce Melodie na Social Mula imaze icyumweru isohotse

Yanditswe na Nsengiyumva Emmy
Kuya 19 Mutarama 2021 saa 12:34
Yasuwe :
0 0

Nyuma y’icyumweru kimwe gusa, Zizou Alpacino yasubiyemo indirimbo ‘Iyo byanze’ yari aherutse guhurizamo Bruce Melodie na Social Mula.

Nyuma yo kuvugurura iyi ndirimbo ‘Iyo byanze’, Zizou Alpacino yabwiye IGIHE ko ari ibintu yagiye asabwa n’abakunzi b’umuziki batandukanye bakunze iyi ndirimbo ariko bifuzaga ko yajya mu wundi mudiho.

Ati “Hari benshi mu bakunzi b’umuziki bakunze iriya ndirimbo bagiye bansaba kugerageza guhindura umudiho wayo. Kuko hari n’abakunze iya mbere, ntabwo nari kuyireka ahubwo nahisemo kuyivugurura.”

Iyi ndirimbo iri muri gahunda DJ Zizou yatangiye yo gusohora indirimbo yahurijemo abahanzi batandukanye mu gusoza album amaze igihe akoraho.

DJ Zizou avuga ko hari benshi bagiye bamusaba ko iyi ndirimbo yashyiramo umurishyo wa kinyafurika.

‘Iyo byanze’ yabaye indirimbo ya mbere Bruce Melodie na Social Mula. Muri iyi ndirimbo baba bagaruka ku musore cyangwa umukobwa utaka umukunzi we, amushimira ko amurutira abo bakundanye byagera mu bihe bikomeye bagakuramo akarenge.

Iyi ndirimbo mu buryo bw’amajwi yakorewe muri Monster Record studio, isanzwe ari iya Zizou Alpacino.

Album ya Zizou Alpacino yahishuye ko izaba iriho indirimbo 11 n’izindi ebyiri z’inyongezo. Izaba iriho indirimbo amaze imyaka itatu akoraho, gusa ngo ashobora kuzashyiraho na zimwe mu zo yahurijemo abahanzi mu myaka yo hambere.

Indirimbo 'Iyo byanze' yahurijwemo Bruce Melodie na Social Mula
Usibye iyi ndirimbo Social Mula yavuze ko we na Bruce Melodie bafitanye indi mishinga

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .