Zizou Alpacino yasohoye indirimbo “Kalibu nyumbani” yahurijemo abahanzi b’ibyamamare mu Rwanda

Yanditswe na Nsengiyumva Emmy
Kuya 2 Ukuboza 2019 saa 11:05
Yasuwe :
0 0

Iradukunda Zizou wamamaye mu ruhando rw’umuziki nka DJ Zizou Alpacino nk’umwe mu b’imbere mu kumenyekanisha ibihangano by’abahanzi no guhuriza abakomeye mu ndirimbo zitandukanye yatangiye gusohora indirimbo ziri kuri mixtape ye nshya.

Indirimbo ya mbere Zizou Alpacino yashyize hanze yayise “Karibu nyumbani” yahurijemo abahanzi barimo; Bruce Melodie, Uncle Austin, Riderman na Amalon.

Ni indirimbo yumvikanamo amagambo y’umusore wo mu mujyi wajyanye umukobwa iwabo ku ivuko akamwereka ukuri ku buzima bwe kuva mu bwana.

Zizou Alpacino waherukaga gushyira hanze indirimbo "Wimfatanya n’Isi" yabwiye IGIHE ko iyi ndirimbo ye nshya ari iya kabiri muri zirindwi zigize Mixtape yise ’5 by 5 Experience’.

Iyi ndirimbo nshya ya Zizou Alpacino "Karibu nyumbani"igomba gukurikirwa n’iyitwa , "Iyo byanze" na "Ubanza nkuze".

Uyu mugabo uyobora inzu itunganya umuziki igafasha n’abahanzi ya Monster Record avuga ko agiye gutangira gufata amashusho y’izi ndirimbo ku buryo mu gihe kitarambiranye n’amashusho yazo aba yagiye hanze.

Zizou Alpacino yagize ati” Indirimbo eshatu zararangiye ubu iki cyumweru ni ugufata amashusho, ngiye gutangira gushyira hanze indirimbo buri cyumweru. Si ibintu byari bimenyerewe ariko nyine bigomba kubaho.”

Abajijwe icyo yagendeyeho ahuriza abahanzi mu ndirimbo yagize ati” Nyine nk’umuntu ndeba abantu bahurira mu ndirimbo ikaryoha, mba mbyumva ariko kandi umushinga wanjye uhuje abahanzi benshi cyane ntabwo abari muri iyi aribo bari no mu zindi.“

Umva indirimbo nshya ya Zizou Alpacino afatanyije n’abahanzi b’ibyamamare banyuranye

Zizou Alpacino yamaze gusohora indirimbo ya mbere iri kuri Mixtape ye nshya
Karibu nyumbani niyo ibimburiye izindi ebyiri yemeza ko azashyira hanze mbere y'uko uyu mwaka urangira

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza