Zari yasuye imva ya nyina (Amafoto)

Yanditswe na IGIHE
Kuya 18 Kanama 2018 saa 12:03
Yasuwe :
0 0

Zari Hassan, umwe mu bagore bubatse izina muri Uganda yagiye gusura imva y’umubyeyi we Halima Matovu Hassan umaze umwaka atabarutse.

Uyu munyamideli uzwi cyane ku mbuga nkoranyambaga yagiye gusura imva ya nyina ubwo yarimo asoza urugendo yari amazemo igihe muri Uganda. Yasuye aho nyina ashyinguwe muri Mityana District ku mugoroba wo ku itariki ya 16 Kanama 2018.

Halima Matovu Hassan yashyinguwe tariki ya 21 Nyakanga 2017 ku ivuko muri Busujju ho muri District ya Mityana ari naho kuri gakondo y’umuryango wa Zari.

Ubwo yerekaga abamukurikira kuri Instagram ko yasuye imva ya nyina, Zari yaherekeje amafoto ye amagambo yumvikanisha uburyo yafataga umubyeyi we nk’intwari ndetse ko ari we watumye aba uwo ari we uyu munsi.

Yongeyeho ati “Kumenya aho tujya bisaba ko tubanza tukamenya aho tuva. Nzagushimira iteka, hari hashize umwaka ariko ibikomere biracyari bibisi ku buryo mba numva bisa nk’ibyabaye ejo hashize. Ndagukunda mama.”

Mu bashyize ibitekerezo ku mafoto ya Zari yagiye gusura imva ya nyina, hari abahise bamwibutsa ko yahoze ari umukobwa ‘w’umusirimu ariko w’umunyacyaro’ none ubu akaba amaze guhinduka igitangaza mu gihe hambere nta wamubonagamo kuzaba umuntu ukomeye.

Muri ibi bitekerezo bisaga ibihumbi magana atanu, harimo n’abamucyuriye ko ‘abo mu muryango we bakomeje gupfa mu gihe we yibereye mu iraha mu mahanga’, aba yabasubizaga mu ncamake ntawe atunze urutoki ko ‘buri wese agira business ye itareba abandi’.

Iteka iyo Zari ashyize hanze amafoto amugaragaza yagiye imva y’uwahoze ari umugabo we nabwo hari abamwibasira bavuga ko yamweretse urukundo ari uko amaze gupfa.

Incamake kuri nyina wa Zari...

Halima Matovu Hassan yavukiye i Jinja 15 Gicurasi 1959, akomoka kuri se w’Umuhinde na nyina w’Umugandekazi. Yarushinganye na Nasur Hassan ari na we se wa Zari Hassan.

Yabaye muri Jinja igihe kinini nyuma Zari amaze kubana na Ivan Ssemwanga ahita yimukira mu Mujyi wa Kampala aho yari atuye mu gace Munyonyo. Yakoze ubucuruzi igihe kinini ndetse yfashaga Zari mu gucunga amaduka y’imyenda n’izindi nzu z’imideli yari yarashinze i Kampala.

Zari amaze kwimukira muri Tanzania iduka rikomeye yari afite muri Gaerden City i Kampala ryarafunzwe maze nyina ahita atangira gukorana n’undi mukobwa we witwa Zuleha Hassan.

Nubwo Zari yari yaratandukanye na Ivan Ssemwanga, Halima yakomeje kugirana ubumwe n’umukwe we ku buryo na mbere y’uko aba bombi bapfa [Ivan na we yapfuye muri Gicurasi 2017] babonanaga kenshi.

Nyuma y’urupfu rwa Ssemwanga, nyina wa Zari ngo yahise agira ikibazo gikomeye cy’umutima ajyanwa mu bitaro bya Nakasero ari naho yaguye.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza