Yvan Buravan yanyomoje amakuru y’igitaramo cye cyari cyategujwe abakunzi b’umuziki we (Video)

Yanditswe na Nsengiyumva Emmy
Kuya 25 Ugushyingo 2019 saa 12:35
Yasuwe :
0 0

Mu minsi ishize mu binyamakuru binyuranye no ku mbuga nkoranyambaga hari havuzwe amakuru y’uko Yvan Buravan afite igitaramo gisoza ibyo yari amaze umwaka azengurukamo muri Afurika yose kuva yakwegukana Prix Decouvertes 2018.

Nyuma y’aya makuru yatambutse, Yvan Buravan yayanyomoje avuga ko ari ibyavuzwe ariko nta gitaramo giteganyijwe ndetse anabwira abakunzi be ko najya gukora igitaramo gikomeye azabamenyesha.

Yagize ati "Ntabwo nigeze mvuga ko mfite igitaramo, byari byavuzwe ariko iki gitaramo ntagihari. Gihari naba narabivuze. Igihe nzongera gukorera igitaramo nzababwira.”

Amakuru y’igitaramo cya Yvan Buravan yari yatangajwe n’ubuyobozi bwa New Level isanzwe imufasha, icyakora andi agera kuri IGIHE ahamya ko bahisemo kukireka nyuma yo kubona ko igihe cyo kucyitegura kibabanye gito.

Yaherukaga gukora igitaramo gikomeye mu Rwanda ubwo yamurikaga album ye ya mbere yise The Love Lab, cyabereye muri Kigali Conference & Exhibition Village hahoze hitwa Camp Kigali, tariki 1 Ukuboza 2018 cyikitabirwa ku rwego rwo hejuru.

Ku wa 8 Ugushyingo 2018, nibwo Buravan yegukanye igihembo cya Prix découvertes RFI 2018. Yari mu bahanganiye igihembo gitangwa na Radio Mpuzamahanga y’Abafaransa, RFI, gihabwa abahanzi b’abahanga mu muziki baturuka mu bihugu bitandukanye muri Afurika no hanze yayo.

Iki gihe yegukanye igihembo cy’amayero ibihumbi icumi [€10,000] ndetse no gufashwa gukora ibitaramo bizenguruka Afurika na kimwe gikomeye uyu muhanzi yakoreye i Paris mu Bufaransa.

Buravan yataramiye mu bihugu bitandukanye birimo Mali, Benin, Togo, Tchad, Niger, Congo Brazaville, Guinée équatoriale, Djibouti, Madagascar, Gabon, São Tomé & Príncipe no muri Angola.

Yvan Buravan yahakanye amakuru y'igitaramo cye cyavuzwe
Yvan Buravan avuga ko nategura igitaramo azabimenyesha abakunzi be

Reba ikiganiro twagiranye na Yvan Buravan

Reba uko Yvan Buravan yitwaye mu gitaramo cya Social Mula


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza