Musanze: Igitego cya Sugira Ernest cyaraje umukozi wa hotel mu bitaro

Yanditswe na Nsengiyumva Emmy
Kuya 27 Mutarama 2021 saa 02:04
Yasuwe :
0 0

Mu karere ka Musanze ntara y’Amajyaruguru umukobwa ukora muri Hotel ya Musanze Caves yishimiye intsinzi y’ikipe y’Igihugu Amavubi anyura mu kirahure cy’urugi akomereka bikomeye bituma arara mu bitaro.

Muri iyi Hotel ku mugoroba wo kuri uyu wa Kabiri tariki 26 Mutarama 2021, ubwo Ikipe y’Igihugu Amavubi yatsindaga Togo ibitego 3-2 havuzwe inkuru y’incamugongo y’umukozi wari ugiye kuhatakariza ubuzima.

Danny Vumbi yatangarije IGIHE ko uyu mukozi yagize ikibazo nyuma y’igitego cya gatatu Ikipe y’Igihugu Amavubi yatsinze Togo.

Igitego cya Sugira Ernest cyahise gihesha itike u Rwanda rwinjira muri ¼ cy’igikombe cya Afurika cy’amakipe y’abakinnyi bakina imbere mu gihugu CHAN.

Ubwo iki gitego cyajyagamo uwo mukozi ibyishimo byamurenze, mu kwishima yisanga yanyuze mu kirahure cy’umuryango w’iyi Hotel, ibyari ibyishimo bihinduka amarira.

Danny Vumbi yagize ati “Byatewe n’igitego cya Sugira Ernest, umukozi wacu muri Musanze Caves Hotel yanyuze mu kirahuri cy’umuryango atakibonye arakomereka cyane.”

Uyu mukozi yahise ajyanwa kwa muganga yitabwaho, amakuru aturuka muri Musanze Caves Hotel ahamya ko nubwo akiri kwa muganga yatangiye koroherwa.

Ikipe y'Igihugu Amavubi yahaye ibyishimo Abanyarwanda nyuma yo gutsinda Togo
Igitego cya Sugira Ernest nicyo cyatumye umukozi wa Hotel i Musanze yinjira mu kirahure arakomereka
Musanze Caves Hotel ya Danny Vumbi niyo yabereyemo iyi mpanuka
Ibyishimo by'uyu mukozi byatumye yinjira mu kirahure cy'urugi aragishwanyaguza
Nyuma yo kwitabwaho n'abaganga, uyu mukozi ari koroherwa

Ikipe y’Igihugu Amavubi yatanze ibyishimo mu banyarwanda


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .