VJ Mupenzi yarushije abandi gukurikirwa n’abitabiriye “The Extreme Silent Pool Party” (Video)

Yanditswe na Nsengiyumva Emmy
Kuya 2 Ukuboza 2019 saa 09:18
Yasuwe :
0 0

VJ Mupenzi yarushije abandi ba Djs gukurikirwa no kwishimirwa n’abitabiriye igitaramo cya “The Extreme Silent Pool Party” cyabereye kuri Cercle Sportif de Kigali mu Rugunga ahazwi nka Fuschia ku wa 30 Ugushyingo 2019.

Iki gitaramo cyari kibaye bwa mbere cyahereye ku manywa aho abacyitabiriye batangiye boga muri Piscine banumva umuziki bacurangirwaga n’aba Djs banyuranye.

Amasaha yicumye umugoroba ugeze nibwo igitaramo cya Silent Disco cyatangiye. Aha niho aba Djs icyenda barimo Dj Diallo, Dj Anita Pendo, Vj Mupenzi, Dj Toxxyk, Selekta Copain, Dj Karim, Vj Nano n’abasore bahuriye muri NEP Djs batangiye kuvangavanga imiziki.

Muri iki gitaramo aba Djs batatu bacurangiraga ku ibara rya ecouteurs rimwe. Kuva saa kumi n’ebyiri z’umugoroba igitaramo cyari cyashyushye ndetse abagera ku 1000 bacyitabiriye bagaragazaga ibyishimo.

Vj Mupenzi wagiye ku byuma hafi saa saba z’ijoro yifashishije indirimbo zakanyujijeho mu muziki w’u Rwanda ziganjemo iza Meddy, Kitoko, Urban Boys, Dream Boys, The Ben, King James, Tuff Gangz na Riderman zimufasha kwigarurira imitima ya benshi.

Abantu bagaragaje inyota y’umuziki wo hambere bakurikira uwo uyu mugabo. Umwanya yamaze acuranga wasembuye benshi batangira kuririmba indirimbo bari kumva, ibyari Silent Disco bihinduka induru kubera amajwi anyuranye y’abantu baririmbaga indirimbo z’abahanzi bakunda.

Ibirori bya Silent Disco bikomeje kwigarurira imitima y’abakunzi b’umuziki mu Rwanda muri iyi minsi biri mu bigezweho. Ibi bigaragarira cyane mu bwinshi bw’ibitegurwa buri mpera z’icyumweru kandi usanga byanitabiriwe cyane.

Reba uko byari byifashe ubwo VJ Mupenzi yacurangaga

Abitabiriye igitaramo bageze aho cyabereye hafi y'ubwogero ku manywa hakiri kare
Urubyiruko nirwo rwari rwiganje muri iki gitaramo cyiswe “The Extreme Silent Pool Party”
Abantu bari bakubise buzuye ahabereye iki gitaramo
Vj Mupenzi ni umwe mu bahanga mu gucuranga imiziki mu tubari no mu bitaramo binyuranye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza