Kwamamaza

Video: Abantu bakubise baruzura mu gitaramo cya Wizkid i Kigali

Yanditswe kuya 29-08-2016 saa 07:52' na Munyengabe Murungi Sabin


Abantu ibihumbi n’ibihumbi bitabiriye ibirori bya Mützig Beer Fest, benshi bagaragaje ko bishimiye cyane umuririmbyi ukomeye muri Nigeria Wizkid mu gitaramo yakoreye i Kigali mu ijoro ryo ku itariki 27 Kanama 2016.

Mu Rwanda, Wizkid [Ayodeji Ibrahim Balogun] akunzwe cyane mu ndirimbo Ojuelegba, Final (Baba Nla), Show You the Money, In My Bed, Bad ft Tiwa Savage, Mamacita ft Tinie Tempah.

Uyu muhanzi w’imyaka 26 y’amavuko kandi ari mu bahanzi baharawe cyane muri Amerika, afitanye indirimbo na Drake bise ‘One Dance’ iyi yamaze ibyumweru birenga icumi ku mwanya wa mbere kuri Billboard. Afite indi ndirimbo ikunzwe cyane ku Isi yitwa “Shabba” yaririmbanye na Chris Brown, Trey Songz na French Montana.

Abantu bari bakubise buzuye mu busitani bw’ahitwa Rugende Training Center. Mbere ya Wizkid haririmbye abahanzi barimo umuhanzi mu njyana ya Jazz Tito Al Uribe wo muri Chile, itsinda rya Nubian Gypsies na Liquideep ryaturutse muri Afurika y’Epfo.

Wizkid yageze imbere y’abafana nyuma gato ya saa sita z’ijoro aririmba mu gihe kigera ku isaha imwe n’iminota 40. Mu gitaramo hagati byumvikanaga ko umuziki utasohokaga neza ku bw’ibyuma byari bifite imbaraga nke ndetse hari n’igihe byazimaga burundu umuziki ugahagarara.

Star Boy mu gitaramo cya mbere yakoreye mu Rwanda yarishimiwe bikomeye

Uyu muhanzi yakomezaga kwihangana ariko akabwira abafana ko ‘yiteguye gukomeza kubashimisha’. Igitaramo cyarangiye ahagana saa saba n’iminota 40 z’ijoro, imbeho yo mu gishanga cya Rugende yari yatangiye kuzahaza abafana ndetse abenshi batashye bakomanya amenyo mu rugendo rutari rworoshye kuko hari n’abavuyeyo ahagana saa kumi z’ijoro kubera ubwinshi bw’abashakaga gusubira i Kigali.

Incamake y’uko igitaramo cyagenze:

Ubwiganze bw’abakobwa b’ikimero mu gitaramo Wizkid yakoreye i Kigali (Amafoto)


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved