Uwafungishije ababyinnyi ba Koffi Olomide yafashwe atorokeye mu Rwanda

Yanditswe na IGIHE
Kuya 12 Nyakanga 2017 saa 05:18
Yasuwe :
0 0

Umunyamakuru wateguye ibitaramo Koffi Olomide amaze iminsi akorera mu Burundi yatawe muri yombi na polisi y’iki gihugu ubwo yari mu nzira atorokeye mu Rwanda.

Koffi Olomide yari amaze iminsi igera kuri cumi n’umwe mu Burundi, yagiyeyo bigizwemo uruhare rukomeye n’umunyamakuru witwa Osman Ndayishimiye [uzwi cyane nka Shabani].

Uyu Shabani ni we wagombaga gukemura ibibazo bijyanye n’amafaranga Koffi Olomide yakoreye n’ay’ibiryo ndetse n’icumbi by’abagize itsinda uyu muhanzi yajyanye i Burundi gusa ngo nta giceri na kimwe yatanze.

Itangazamakuru ryo mu Burundi rivuga ko Koffi Olomide yavuye i Bujumbura bigoranye cyane kuko Shabani na bagenzi be babuze amadolari ibihumbi 50 yagombaga guhabwa uyu muhanzi ku giteranyo cy’ibitaramo byose yakoze hakanavaho amatike y’indege, ifunguro, icumbi n’izindi ngendo bakoze mu gihe bamaze muri iki gihugu.

Koffi Olomide yashatse ubufasha asohoka u Burundi ariko ababyinnyi n’abacuranzi be baje gufatwa bugwate kuri uyu wa Kabiri tariki ya 11 Nyakanga 2017 ubwo bari bagiye kwerekeza i Kinshasa. Abacuranzi n’ababyinnyi icumi ba Koffi bafungiwe muri hoteli Sun Safari nyuma y’uko uwabatumiye yananiwe kwishyura ibyo bariye n’amafaranga y’icumbi bari bamazemo iminsi.

Uyu Shabani amaze kumenya ko ibibazo byakomeye ngo ku mugoroba wo kuri uyu wa Kabiri tariki ya 11 Nyakanga yatorotse ava i Bujumbura ashaka guhungira mu Rwanda gusa ngo yafashwe ageze mu Kirundo.

Umuvugizi wa Polisi y’u Burundi Pierre Nkurikiye yanditse kuri Twitter ko Omar Shabani Ndayishimiye yafatiwe mu Kirundo hafi y’umupaka w’Akanyaru ashaka kwambuka ngo ahungire mu Rwanda.

Yavuze ko “Shabani yabanje gukomereka umutwe ubwo yashakaga gusimbuka imodoka ashaka gutoroka.”

Polisi yasubije Shabani i Bujumbura, bamutwaye amaboko ye bayabohesheje amapingu.

Shabani yafatiwe mu Ntara ya Kirundo ashaka gutorokera mu Rwanda
Ababyinnyi ba Koffi Olomide bafashwe bugwate muri hoteli i Burundi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza