Kwamamaza

Urutonde rw’abahanzi bazasusurutsa Rwanda Day mu Buholandi

Yanditswe kuya 30-09-2015 saa 16:44' na IGIHE


Abahanzi Teta, King James, Masamba, Muyango, Julienne Gashugi, Sofia, Meddy, Ben Kayiranga, Thierry Haguma, Nyiratunga Alponsine n’abandi bazasusurutsa abazitabira Rwanda Day izaba ku itariki ya 3 Ukwakira 2015 mu Buholandi.

Teta, King James, Masamba, Muyango, Joulienne Gashugi na Sofia bazaturuka mu Rwanda naho Meddy azaba yaturutse muri Amerika.

Abahanzi bazaturuka mu Rwanda bazifatanya na bagenzi babo bakorera umuziki ku Mugabane w’u Burayi barimo Ben Kayiranga, Thierry Haguma, Nyiratunga Alponsine n’itorero ry’ababyina injyana ya kinyarwanda.

“Rwanda Day”, ni umunsi uhuza Abanyarwanda baba mu mahanga n’inshuti z’u Rwanda, hakaganirwa ku iterambere ry’igihugu.

Kuva mu mwaka wa 2011, Rwanda Day imaze kubera i Chicago, Boston na Atlanta muri USA, i Paris mu Bufaransa, i Toronto muri Canada, n’i Londres mu Bwongereza.

King James ukunzwe mu ndirimbo z'urukundo ategerejwe mu Buholandi

Muri Rwanda Day izabera mu Buholandi, Perezida wa Repuburika Paul Kagame azaganira n’Abanyarwanda n’inshuti z’u Rwanda, hagamijwe iterambere ry’igihugu.

Iherutse ni iyabereye mu Mujyi wa Atlanta muri Amerika ndetse muri Gicurasi uyu mwaka nabwo habaye igikorwa gisa n’iki cyahurije hamwe urubyiruko rw’Abanyarwanda ruba mu Rwanda n’urutuye mu mahanga, baganira ku ruhare rwabo mu iterambere ry’igihugu, igikorwa cyiswe Rwanda Youth Forum.

Umukirigitananga Nzayisenga Sophia ategerejwe n'abazitabira Rwanda Day
Masamba Intore na we ari mu itsinda ry'abahanzi bazaririmba muri Rwanda Day
Dj Flora Nyirimbabazi usanzwe uba mu Bubiligi azavanga imiziki mu birori bya Rwanda

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 26 September 2016
Copyright © 2009 -2014 - IGIHE Ltd - All Rights Reserved