#UruraboChallenge; intero igezweho kuri Twitter yerekana ubuhanga bw’igisekuru gishya mu batunganya indirimbo

Yanditswe na Uwiduhaye Theos
Kuya 27 Mutarama 2021 saa 12:00
Yasuwe :
0 0

Ubu ibintu bisigaye byaroroshye ntibikigombera ko abantu bahura cyangwa se ngo ibyo bashaka gukora babikore bari kumwe buri wese buri wese yerekera undi. Mu batonganya indirimbo byaroroshye kubera iterambere ku buryo umuntu akora indirimbo akayiha mugenzi we undi akayimusubiza yayihinduye cyangwa se yongeyemo ayandi majwi bitewe n’ibyo yasabwe cyangwa bijyanye n’ubuhanga bwe.

Mu bakoresha imbuga nkoranyambaga mu Rwanda cyane cyane Twitter, ubu hagezweho icyiswe #UruraboChallenge kigamije kugaragaza ubuhanga bw’abatunganya indirimbo mu Rwanda.

Ni igitekerezo cyatangijwe n’ukoresha amazina ya @sogokxru nawe usanzwe utunganya indirimbo.

Uyu musore yabitangiye ashyira ku rukuta rwe rwa Twitter, agace k’indirimbo isanzwe izwi yitwa ‘Ururabo’ ya Rossisendi & His Group iri kuri album yitwa ‘Sometimes love is funny’ , asaba abandi batunganya indirimbo kuyifashisha bakerekana ubuhanga bwabo.

Yanditse ati “Abatunganya indirimbo bo mu Rwanda, ninde uduhaye show(wadushimisha)?”

Sogokuru yabwiye IGIHE ko yatekereje iki gikorwa ashaka ko impano zitandukanye zitari zizwi zikomeje kwigaragaza.

Ati “Igitekerezo cyo gutangiza #UruraboChallenge, cyaje nshaka kumenyekanisha abatunganya indirimbo basanzwe bakora ariko batazwi n’abantu benshi. Ni ugukomeza kubafasha kujya kuri ikarita.”

Abatunganya indirimbo biganjemo abakizamuka bagiye berekana ubuhanga bwabo bifashishije iyi ndirimbo buri wese akayihindura uko ashaka. Aba barimo Pro Zed, Joe Ka$$h, Denis Roadman n’abandi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .