00:00:00 IGIHE NETWORK KN KINYARWANDA EN ENGLISH FR FRANCAIS

Isonga Family, itsinda rishya ry’abakobwa bava inda imwe bihebeye umuziki gakondo

Yanditswe na Nsengiyumva Emmy
Kuya 2 Gicurasi 2021 saa 08:11
Yasuwe :
0 0

Bahereye ku ndirimbo ‘Umupangayi’ abakobwa batatu bava inda imwe bagize itsinda ‘Isonga family’ ryari rimenyerewe mu gusubiramo indirimbo z’abandi, binjiye mu buryo bweruye mu muziki nyarwanda nk’abahanzi ku giti cyabo bakora injyana ya Gakondo.

Isonga Family ni itsinda rigizwe n’abakobwa batatu bavukana aribo Mukarukundo Sarah (Umukuru muri bo), Uwineza Liliane na Sabato Clarisse (Umuto muri bo) bose bakomoka mu karere ka Rulindo.

Aba bakobwa uko ari batatu batangiye umuziki bakiri bato, mu 2018 batangira kugaragaza impano yabo binyuze mu gusubiramo indirimbo zo hambere (Gakondo Cover).

Mu 2020 nibwo batangiye gukorana na Umushanana Records iri kubafasha gutunganya Album yabo ya mbere bise Rwantambi.

Umushanana Records ni nayo yabafashije gukora indirimbo yabo ya mbere bise ‘Umupangayi’ yamaze kujya hanze yaba mu buryo bw’amajwi ndetse n’amashusho.

Iyi ndirimbo nshya, babaramo inkuru y’umukobwa wakunze umusore ukodesha iwabo agatinya kubimubwira no kubibwira ababyeyi be.

Aba bakobwa babwiye IGIHE ko batangiye gusohora indirimbo zabo bafite intego yo kugerageza kureba niba hari itafari bashyira ku iterambere ry’umuziki w’u Rwanda no kugerageza guteza imbere umuco gakondo.

Aba bakobwa binjiye mu muziki bahereye ku ndirimbo ‘Umupangayi’
Mukarukundo Sarah (Umukuru muri bo), Uwineza Liliane na Sabato Clarisse (Umuto muri bo) bose bakomoka mu karere ka Rulindo
Isonga Family ni itsinda rigizwe n'abakobwa batatu bavukana

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .