Umutoniwase Anastasie mu ba mbere bemerewe guhatana muri Miss Supranational Rwanda 2019 (Amafoto)

Yanditswe na Muvunyi Arsène
Kuya 3 Kanama 2019 saa 09:13
Yasuwe :
0 0

Umutoniwase Anastasie wabaye Miss Popularity Rwanda 2018 akanatorwa nka Miss Earth Rwanda 2018, ni umwe mu bakobwa batanu ba mbere batoranyijwe nk’abazahatana mu irushanwa rya Miss Supranational Rwanda 2019.

Kuri uyu wa Gatandatu tariki 03 Kanama 2019 nibwo hatoranyijwe abakobwa batanu ba mbere bazatahana muri iri rushanwa, barimo amazina yamenyekanye mu irushanwa rya Miss Rwanda muri uyu mwaka.

Abakobwa batanu mu biyandikishije kuri interineti nibo bahamagajwe ku ikubitiro n’abateguye iri rushanwa. Abo barimo Umutoniwase Anastasie wabaye Miss Popularity Rwanda 2018, anatorwa nka Miss Earth Rwanda 2018 anitabira iri rushanwa ku rwego rw’Isi ryabereye muri Philippines.

Hari kandi Umuhoza Karen witabiriye Miss Rwanda 2018, Neima Nina, Mutoni Queen Peace, na Umwali Sandrine.

Aba bakobwa bose banyuze imbere y’akanama nkempurampaka kari kagizwe na Dan Kwizera uyobora Uno Fashion Agency, Uwase Clementine wahagaririye u Rwanda muri Miss Supranational 2018 na Christella Mucyo uri mu bategura iki gikorwa.

Muri iki gikorwa cyabereye mu Mujyi wa Kigali, abakobwa biyerekanye mu ntambuko, banabazwa ibibazo by’ubumenyi rusange, birangira bose bemerewe gukomeza.

Irindi jonjora riteganyijwe kuba kuri iki cyumweru hatoranywa abandi bakobwa bazahatana mu irushanwa ry’uyu mwaka, naho inshuro ya gatatu ari nayo yanyuma hazaba hatoranywa abazitabira irushanwa, izaba tariki 11 Kanama 2019.

Abakobwa bazaba batsinze iri jonjora nibo bazagera ku cyiciro cya nyuma cy’iri rushanwa rya Miss Supranational Rwanda 2019.

Aba bakobwa bazajyanwa mu mwiherero w’iminsi itanu uzatangira ku wa 03 Nzeri, ku wa 06 Nzeri habeho ijoro ryo kwerekana impano mu gihe ku wa 07 Nzeri hazabaho igikorwa cyo gutoranya umukobwa uhiga abandi, akazaserukira u Rwanda muri Miss Supranational muri Pologne.

Umuhoza Karen wahatanye muri Miss Rwanda 2019 arashaka no kuba Miss Supranational
Umutoniwase Anastasie wamamaye muri Miss Rwanda 2018 ni umwe mu bahatanye kuri iyi nshuro
Kwiyerekana mu ntambuko ni kimwe mu byatangiwe amanota
Abakobwa ba mbere bazahatana muri Miss Supranational Rwanda 2019 bamenyekanye
Abakobwa batanu bakomeje bifotozanyije n'abagize akanama nkempurampaka
Mutoni Queen Peace ari mu bakobwa batanu bazahatana muri Miss Supranational Rwanda
Neema Neima yakomeje mu bazahatana muri iri rushanwa
Umwali Sandrine arashaka guhagararira u Rwanda muri Miss Supranational 2019
Nsengiyumva Alphonse uyobora ikigo gitegura Miss Supranational Rwanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza