Umuririmbyi 2Face yaje i Kigali nyuma y’imyaka 10 atahagera (Amafoto)

Yanditswe na Munyengabe Murungi Sabin
Kuya 23 Nzeri 2016 saa 02:16
Yasuwe : XX
0

Umuhanzi ukomeye muri Afurika, 2Face Idibia wo muri Nigeria wamamaye cyane mu ndirimbo ‘African Queen’ yaje mu Rwanda kuhakorera igitaramo nyuma y’imyaka irenga icumi atahagera.

Yakunzwe bikomeye mu myaka yashize mu ndirimbo ‘African Queen’, ‘No Shaking’, ‘Implication’ n’izindi. 2Face w’imyaka 40 yageze mu Mujyi wa Kigali mu rukerera rwo kuri uyu wa 23 Nzeri 2016.

Uyu muhanzi arakorera igitaramo kuri Kigali Serena Hotel ku mugoroba wo kuri uyu wa Gatanu. Yavuze ko yishimiye kongera kugaruka mu Rwanda ‘igihugu yasanganye umwihariko mu iterambere ugereranyije n’ibibazo cyanyuzemo.’

Yagize ati “Nishimiye kugaruka hano mu Rwanda, ni inshuro ya kabiri nje, Kigali ni ahantu abantu bakunda kuza, nanjye ndahakunda cyane. Iki gihugu cyanyuze mu mateka komeye, gifite amateka yihariye muri Afurika […] Nahasanze impinduka nyinshi, nabonye ibyiza byinshi.”

Innocent Ujah Idibia[2Face Idibia] yaherukaga mu Rwanda mu mwaka wa 2006, icyo gihe yari afite indirimbo yari igezweho cyane yitwa ‘African Queen’. Ahagarutse muri 2016 afite indirimbo nshya yakoze mu myaka 10 ishize.

Ati “Umuhanzi arakura, nanjye narakuze, mu myaka maze ntagera hano nakoze byinshi, ni byo nzaniye abafana banjye, mfite indirimbo nyinshi, nanjye ndi mushya, ndi wa wundi uririmba, twese dukomeze tugire urukundo n’amahoro.”

Nta muhanzi n’umwe wo mu Rwanda azi

Uyu muhanzi usigaye wiyita 2Baba yavuze ko atazi byinshi ku muziki nyarwanda ‘kuko ukiri muto ugereranyije no mu bindi bihugu bya Afurika’ ndetse ngo nta muhanzi n’umwe wo mu Rwanda azi.

Ati “Mvugishije ukuri, nta muhanzi wo mu Rwanda nzi kugeza ubu, ntabwo mbazi […] Icyo dushaka ni ukunga ubumwe, abo mu Rwanda bagakorana n’abo muri Nigeria twese tukazamurana.”

Nta zina na rimwe ry’umuhanzi wo mu Rwanda 2Face azi gusa yavuze ko muri Afurika y’Uburasirazuba afite mu mutwe amazina akunzwe na we afana. Mu bo azi cyane muri aka karere harimo Diamond Platnumz, Vanessa Mdee, Ali Kiba, Nameless, Sauti Sol n’abandi.

Yanahakanye inkuru zamuvuzweho ko afite abagore batandatu, ngo ababyandika mu binyamakuru baba bagamije gucuruza. Ati “Mfite umugore umwe gusa, nta wundi mugore mfite.”

2Face yaje mu Rwanda nyuma y'imyaka 16 atahagera

Yatumiwe na kompanyi yitwa Kigali Entertainment Promoters. Igitaramo cye giteganyijwe ku mugoroba wo kuri uyu wa Gatanu kuri Serena Hotel guhera saa kumi n’ebyiri za nimugoroba, kwinjira ni amafaranga ibihumbi icumi [10,000frw].

Umuhanzi 2Face ni muntu ki?

Mbere y’uko Innocent Ujah Idibia[usigaye wiyita Tu Baba],aririmbira muri Serena Hotel, 2Face azasangira n’abahanzi nyarwanda bifuza kugirana ubufatanye na we n’abandi bose bamwifuzaho ubufasha mu muziki.

Tu Baba yaherukaga mu Rwanda mu myaka irenga icumi ishize. Yahaherukaga yitwa 2Face ariko ubu afite izina rishya rya Tu Baba.

2Face yavutse mu 1975, ahitwa Jos muri Leta ya Plateau muri Nigeria), benshi bamumenye nka 2face Idibia. Ni umuhanzi, umwanditsi w’indirimbo akaba na Producer. Ni umwe mu bahanzi bafite ibihembo byinshi muri Nigeria.

Yegukanye igihembo cya MTV Europe Music Award, icya World Music Award, bitanu bya Headies Awards (Hip-hop award), bine bya Channel O Music Video Awards , kimwe cya BET award , bine bya MTV Africa Music Awards, kimwe muri MOBO award, KORA award imwe n’ibindi byinshi bitari ku rwego mpuzamahanga.

Yavuze ko abafana baza kwitabira igitaramo cye babona ko 'ari umwe mu bahanzi batumye umuziki wa Afurika ukunzwe muri iki gihe ugera kure'.
Mu kiganiro n'itangazamakuru mbere y'igitaramo cye
Yazanye n'umujyanama we
Uyu mukobwa yitwa Helena, ni umwe mu bagize itsinda rishinzwe kwita ku nyungu za 2Face
Belinda Murerwa ni we uyoboye Kompanyi yatumiye 2Face i Kigali
Ikiganiro n'abanyamakuru cyabereye muri Serena Hotel aho 2Face acumbitse

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza