Umurenzaho weze ibijumba! Meddy yakoranye indirimbo na DJ Paulin bafitanye ikibazo cy’amafaranga

Yanditswe na Muvunyi Arsène
Kuya 24 Nyakanga 2019 saa 10:10
Yasuwe :
0 0

DJ Paulin wigeze gutumira Meddy i Burundi bikarangira atagiyeyo, bakoranye indirimbo izajya hanze muri iki Cyumweru.

Mu gitondo cyo kuri uyu wa Kabiri tariki 22 Nyakanga 2019, nibwo DJ Paulin umwe mu bategura ibitaramo bikomeye i Burundi yatangaje ko hari indirimbo ari gukorana n’umuhanzi Meddy bafatanyije na MD Data ukunzwe i Bujumbura.

Ni indirimbo izasohoka mu buryo bw’amajwi ikaba yarakozwe na Amir Pro, ufite inzu itunganya umuziki ya MA Records, akaba yarigeze no gukorera mu Rwanda.

DJ Paulin yabwiye IGIHE ko iyi ndirimbo iri hafi kurangira kuko abahanzi bose bamaze gushyiramo amajwi yabo, igisigaye kikaba ari ukuyanonosora, ku buryo bitarenze iki cyumweru iza kuba yasohotse.

Abajijwe aho igitekerezo cyo gukora iyi ndirimbo, DJ Paulin yasubije ko iyi ndirimbo yari asanzwe ayifite, ayumvishije Meddy arayikunda, amusaba ko nawe yayijyamo.

Ati “ Ni indirimbo nakoreye inaha i Bujumbura nyumvishije Meddy arayikunda cyane arambwira ati ‘ntushyiremo abandi bantu nanjye ndashaka kuyiririmbamo.”

Meddy na DJ Paulin basanzwe bafitanye ikibazo cy’uko yamutumiye mu bitaramo byagombaga kubera mu Mujyi wa Bujumbura mu mpera z’umwaka ushize ariko ntajyeyo ku mpamvu z’umutekano we atari yizeye.
Hari amafaranga yari yaramaze gufata agera ku $5000 ariko ntiyigeze ayamusubiza, ndetse kugeza n’ubu amakuru IGIHE ifite n’uko atarayishura.

Na DJ Paulin yavuze ko gukorana indirimbo na Meddy ntaho bihuriye no kumwishyura amafaranga amurimo.

Mu mwaka ushize kandi Meddy yari yakoranye indirimbo na Sat B wo mu Burundi nabwo bigizwemo uruhare na DJ Paulin gusa nayo kugeza ubu ntirasohoka.

Meddy yari aherutse gushyira hanze indirimbo ye yise “Down Town” yakoranye n’umusore w’Umurundi witwa Nish. DJ Paulin nawe afite indirimbo yakoranye na MB Data na B Face yitwa “Doda” amashusho yayo akaba yarafatiwe i Kigali.

Reba "Doda" ya DJ Paulin, MB Data na B Face

DJ Paulin yakoranye indirimbo na Meddy n'ubwo ataramwishyura
Meddy na Sat B bakoze indirimbo bahujwe na DJ Paulin ariko ntirasohoka
Meddy yisabiye ko yakorana indirimbo na DJ Paulin

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza