Kwamamaza

Umuraperi ukomeye muri Amerika agiye kuza mu Rwanda

Yanditswe kuya 19-08-2016 saa 09:09' na Munyengabe Murungi Sabin


Umuhanzi ukomeye mu njyana ya Rap ivanze n’ubusizi, Akua Naru agiye kuza gukorera igitaramo mu Mujyi wa Kigali, azahanyura avuye i Harare muri Zimbabwe mu rugendo rw’ibitaramo mu bihugu bya Afurika.

Latanya Hinton [Akua Naru] ni umwe mu bahanzi b’igitsinagore bafite ubuhanga bukomeye mu gukora umuziki wa Rap uvanzemo gakondo y’ubusizi aho atondekanya amagambo afite injyana bikumvikanisha uburyohe bwihariye.

Akua Naru azaza mu Rwanda kuwa 16 Nzeri 2016 azamara iminsi ibiri i Kigali ahave ajya muri Uganda aho azitabira iserukiramuco rikomeye rya Bayimba International Festival of Arts kuwa 18 Nzeri 2016. Azaza i Kigali avuye mu Mujyi wa Harare muri Zimbabwe.

Urugendo rw’ibitaramo agiye gukorera muri Afurika rwateguwe n’ikigo cy’Abadege cya Goethe Institute binyuze mu mashami yacyo mu bihugu bitandukanye. Aho ateganya gukorera ibitaramo mu minsi icumi azamara ku Mugabane wa Afurika harimo Mozambique, Zimbabwe, Rwanda, Uganda na Kenya.

Muri ibi bihugu byose azahacurangira mu buryo bwa live aho azaba aherekejwe n’itsinda ry’abacuranzi bane bakomeye ku Isi nk’uko bigaragara ku rubuga rwe bwite.

Akua Naru yavukiye ahitwa New Haven muri Leta Zunze Ubumwe za Amerika gusa muri iki gihe aba mu Mujyi wa Cologne mu Budage. Album ya mbere yatumye amenyekana ku Isi yayishyize hanze mu mwaka wa 2011.

Iyi album yayise “The Journey Aflam” ni yo yamufashije kumenyekana no kwemeza abazi umuziki we. Indirimbo yise “The World is Listening” yamufashije gucurangwa mu buryo bukomeye kuri radio zikunzwe mu Bufaransa n’u Budage.

Yacuranganye n’abahanzi bakomeye barimo Umunya-Nigeria Fela Kuti, yakoranye n’abahanzi barimo Patrice, Tete, Usula Rucker, Blitz The Ambassador, Wax Tailor, umuraperi ukomeye mu Bwongereza TY, Mic Donet, Angelique Kidjo , Ahmir Khalib Thompson n’abandi.

Umuraperi Akua Naru agiye kuza mu Rwanda

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 30 Nzeri 2016
Copyright © 2009 -2014 - IGIHE Ltd - All Rights Reserved