Umuraperi Navio na Weasel batunguye abafana babo i Kigali

Yanditswe na Munyengabe Murungi Sabin
Kuya 28 Kanama 2016 saa 03:21
Yasuwe : XX
0

Umuraperi ukunzwe bikomeye muri Uganda, Navio na Weasel wo muri Good Life batunguye abakunzi b’umuziki bagaragara mu gitaramo cya Mutzig Beer Fest cyabereye i Kigali kuri uyu wa 27 Kanama 2016.

Ni igitaramo cyitabiriwe n’abahanzi barimo Tito Al Uribe wo muri Chile, itsinda rya Nubian Gypsies na Liquideep yo muri Afurika y’Epfo ndetse n’icyamamare Wizkid ari na we wari umuhanzi wari urangamiwe na benshi.

Umunya-Chile Tito Al Uribe amaze kuririmba, Uncle Austin n’umugore wa Dj Pius bari bayoboye igitaramo bahise babwira abafana ko bagiye kubona umuhanzi batari biteze kandi w’umuhanga. Navio yahise ahagera asukiranya amagambo y’abaraperi mu Cyongereza.

Yasuhuje abafana ababwira ko yari abakumbuye ahita atangira kuririmba. Navio ukunzwe muri iki gihe muri Uganda no muri Afurika y’Uburasirazuba yaririmbye iyitwa Nawuliringa, Mr Dj, Whistle Song na Njogereza [bigaragara ko iharawe cyane muri iki gihe].

Navio yishimiwe na benshi mu bamurebye aririmba

Navio yavuze ko yaje kureba abafana be atari aherutse i Kigali no gushyigikira inshuti ye Wizkid. Yagize ati “Ni igihe kinini cyari gishize ntaririmbira hano, nari mbakumbuye.”

Weasel mugenzi wa Radio we yari mu myanya y’icyubahiro areba igitaramo gusa. Yabwiye IGIHE ko ‘yazanwe no gushyigikira umuziki wa Afurika no kureba Wizkid’. Good Life na Wizkid ndetse na Navio basanzwe bafitanye imikoranire ya hafi na Wizkid.

Yaherukaga kuza i Kigali muri Kamena 2013, icyo gihe yari yitabiriye igitaramo cya ‘MTN Kings of Komedy shows’.

Navio yaherukaga mu Rwanda mu gitaramo muri 2013
Amaze kuririmba yagiye mu bafana areba igitaramo
Weasel we ntiyaririmbye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza