Umuraperi Lil G yinjiye mu bucuruzi bw’imyenda idoze mu bitenge (Video)

Yanditswe na Munyengabe Murungi Sabin
Kuya 17 Werurwe 2018 saa 10:21
Yasuwe :
0 0

Umuraperi Lil G yatangije umurongo mushya wo gucuruza no gusakaza imyenda by’umwihariko idoze mu bitenge, ifite ibirango bya studio ye Round Music mu rwego rwo kurushaho kwagura ibikorwa bye.

Lil G ubusanzwe witwa Karangwa Lionel, amenyerewe mu muziki mu njyana ya Hip Hop; amaze imyaka igera ku icumi aririmba. Mu myaka ibiri ishize, Lil G yashinze studio ye bwite yise ‘Round Music’ ndetse iri mu zakorewemo indirimbo zakunzwe mu Rwanda.

Ubu, yatangije umushinga mushya wo gucuruza imyenda idoze mu bitenge ndetse yayishyizeho ibirango bya Round Music mu rwego rwo kurushaho kumenyekanisha ibikorwa by’iyi nzu itunganya umuziki no kwakugura ibikorwa byayo ikarushaho kumenyakana.

Mu kiganiro na IGIHE, Lil G yavuze ko yahisemo guha iyi myambaro ibirango bya Studio kugira ngo izina Round Music rirusheho kumenyekana kurusha uko rimeze muri iki gihe.

Yagize ati “Naje gusanga ibyiza aho kugira ngo nyite Lil G bitaba byiza nk’uko nayitirira studio yanjye Round Music byaba byiza kurushaho ikagurishwa ku isoko ari nk’imyenda ya studio yanjye, nibyo numva byaba ari byiza cyane.”

Yongeyeho ati “Iyo uririmba gusa usanga akenshi ibyo ukenera byose bidahwanye n’amafaranga winjiza iyo uririmba gusa, niyo mpamvu nk’uko nashinze studio niko natangije ibi byo gucuruza imyenda kugira ngo umubare w’amafaranga ninjiza wiyongere. Imyenda ubu yageze hanze kandi abantu batangiye kuyakira neza, biri gutanga umusaruro.”

Lil G abifashijwemo n’umuhanzi w’imideli witwa Richard, ubu yashyize hanze imyenda yiganjemo amashati adoze mu bitenge yambarwa n’abantu bakuru ndetse n’abana bato.

Yavuze ko yihaye intego yo kuzatangira kumurika iyi myenda mu ruganda rw’imideli nyuma y’ukwezi kwa Mata 2018. Ati “Iyi myambaro ndateganya kuzayimurika ariko nzabikora nyuma y’uku kwezi kwa Gatatu kubera ko ubu ndi kubanza kuyigeza ahantu hatandukanye kugira ngo abantu babanze bayimenye.”

Lil G yashimangiye ko gutangiza ubucuruzi bw’imyenda bizamufasha kwagura ibikorwa bya studio ye no kurushaho kuyimenyekanisha. Imyenda ya mbere yatangiye kugera ku isoko ndetse abacuruzi bamwe mu Karere ka Kicukiro batangiye kuyigurisha.

Yagize ati “Ni mu rwego rwo gukomeza kwagura ubucuruzi bwa studio yanjye, nubwo abantu bayizi numva wenda n’ibindi bikorwa bigiye biza bikitirirwa studio byayifasha gukomeza kumenyekana no gutera imbere. Iyi myenda numva yazamfasha mu buryo bworoshye nkamenyekanisha studio yanjye mu buryo bworoshye.”

Mu muziki, Lil G avuga ko afite umushinga mushya w’indirimbo ateganya kuzahuriramo na Christopher, izajya hanze mu buryo bw’amajwi n’amashusho mu minsi mike iri imbere.

Umudeli mushya Lil G na studio ye bashyize ku isoko

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza