Kwamamaza

Umuraperi Gaël Faye yahawe igihembo gikomeye mu Bufaransa

Yanditswe kuya 7-11-2016 saa 17:17' na Munyengabe Murungi Sabin


Gaël Faye, umuraperi w’Umunyarwanda ufite inkomoko mu Bufaransa amaze igihe gito asohoye igitabo cya mbere yise ‘Petit Pays’ ubu kiri mu bikunzwe cyane ku Mugabane w’u Burayi by’umwihariko mu bihugu bivuga Igifaransa.

Igitabo cya Gaël Faye cyahawe igihembo gikomeye cyane mu Bufaransa cyitwa Prix du Premier Roman (First Novel Prize) gisanzwe gitangwa ku banditsi batarubaka izina bari mu kigero cy’imyaka hagati ya 18 na 30.

RFI itangaza ko Gaël Faye yahembwe yarushije mu buryo bukomeye abanditsi yari ahanganye na bo ndetse byemejwe n’akanama nkemurampaka kashimye igitabo cye kuva mu cyiciro cya mbere.

Uyu muraperi umaze amezi make yinjiye mu mwuga wo kwandika ibitabo yahembwe mu muhango wabaye kuwa 4 Ugushyingo 2016 ahitwa Le Procope mu Mujyi wa Paris.

Yari ahanganye na Maëlle Guillaud [wanditse Lucie ou la vocation], Guy Boley[wanditse Fils du feu], Frédéric Gros[wanditse Possédées] ndetse na Stéphanie Vermot-Outhenin [ufite igitabo cyitwa La Straniera].

Igihembo ‘Prix du Premier Roman’ bagihaye Faye giherekejwe n’ibahasha irimo ama-euros 3,000. Iki gihembo cyaherukaga guhabwa umwanditsi witwa Victor Cohen-Hadria, mu mwaka wa 2010 kubera igitabo yise ‘Les trois saisons de la rage’.

Gaël Faye kandi ari mu banditsi bagomba gutoranywamo ugomba kugenerwa igihembo cya ‘Interallié’, kizatangirwa i Paris kuri uyu wa Kabiri tariki ya 8 Ugushyingo 2016.

Igitabo cya Gaël Faye kiri gucuruzwa cyane mu Bufaransa ari naho cyacapiwe ndetse by’umwihariko kikimara gusohoka kuwa 1 Nzeri 2016 cyahawe igihembo gikomeye yagenewe n’isomero rikomeye rya Fnac rinacuruza ibitabo kuri internet.

‘Petit Pays’ cyatoranyijwe mu byahataniye ibihembo byose bikomeye mu Bufaransa mu mezi make ashize. Ni na cyo cyaheje Gaël kuboneka mu banditsi bane bageze mu cyiciro cya nyuma mu bihembo bya Prix Goncourt.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved