Umunyamideli Judith Kantengwa wifotoje yambaye ubusa yanze kwitaba polisi ya Uganda

Yanditswe na IGIHE
Kuya 8 Kamena 2018 saa 11:25
Yasuwe :
0 0

Umunyamideli Judith Heard Kantengwa ukomoka mu Rwanda, yakomeje kwinangira yanga kwitaba Polisi ya Uganda imushakisha kubera amafoto y’ubwambure bwe aherutse gushyirwa hanze.

Mu mpera za Gicurasi 2018 nibwo amafoto y’ubwambure bwa Judith Heard yatangiye gusakazwa ku mbuga nkoranyambaga. Yahise agaragaza ko abayasohoye bagamije inabi ndetse yerekana ko ntacyo bimubwiye.

Polisi ya Uganda yahise imushyiriraho impapuro zimuhamagaza mu bugenzacyaha, yagombaga kwitaba bitarenze tariki ya 1 Kamena 2018. Ibi, Judith Heard ntiyabyubahirije ndetse yamenyeshejwe ko inzego z’umutekano zimushaka yigumire i Paris yanga kugira icyo abikoraho.

Iby’aya mafoto n’uburyo yagiye hanze byarakaje Komite ishinzwe gucunga no guhangana n’abakwirakwiza ibikorwa by’urukozasoni muri Uganda ndetse kugeza ubu polisi yatangiye kumushakisha nk’umunyacyaha.

Chimp Reports yatangaje ko Judith Heard yamaze gufungurirwa dosiye ndetse iki kinyamakuru gifite amakuru mpamo ko ‘yasuzuguye inzego z’umutekano’ yanga kuzitaba kugeza ubwo zafashe umwanzuro wo kumushakisha nk’umunyacyaha wananije inzego.

Uyu mubyeyi w’abana batatu, yagumye i Paris nyuma y’uko amafoto y’ubwambure bwe agiye hanze ndetse akomeje kwerekana ko ari mu bihe byiza atitaye ku kibazo ubwambure bwe bwateje.

Mu magambo amaze iminsi yandika, hari ayafashwe nko kwerekana ko adatewe ubwoba n’impapuro zimushakisha ngo atabwe muri yombi. Hari aho yanditse ngo “Nimunywe amazi ubundi mwite ku bibareba.”

Umuvugizi wa Polisi mu Mujyi wa Kampala, C.ASP Luke Owoyesigire, aherutse kubwira iki kinyamakuru ko bari gushakisha Judith Heard mu kubahiriza ubusabe bwa Minisitiri ushinzwe Amahame Ngengamyitwarire n’Ubusugire, Fr. Simon Lokodo.

Umunyamideli Judith Kantengwa wifotoje yambaye ubusa yanze kwitaba polisi ya Uganda

Judith Heard yaherukaga gushyirwa hanze yambaye ubusa mu mwaka wa 2013, icyo gihe nabwo yavuze ko uwamushyize hanze ari ‘umwanzi we wifuzaga kumwandagaza.

Uyu munyamideli ni umubyeyi w’abana batatu, babiri muri bo ni impanga yabyaranye n’umugabo we, Umunyamerika Dr. Alex Heard naho uwa gatatu ni uwo yafashe yiyemeza kumubera nyina.

Ubwambure bwa Judith Heard bumaze gushyirwa hanze inshuro ebyiri
Judith Heard amaze iminsi aba mu Bufaransa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza