Umuhanzikazi Asinah yakebeshejwe urwembe ajya mu bitaro

Yanditswe na Uwiduhaye Theos
Kuya 5 Kanama 2019 saa 10:46
Yasuwe :
0 0

Umuhanzikazi Asinah avuga ko ku Cyumweru gishize yasagariwe n’umukobwa atazi wamusanze mu kabari akamukatisha urwembe ku itama, ku buryo byasabye ko ajyanwa mu bitaro ngo yitabweho n’abaganga.

Iki gikorwa cyabaye ku Cyumweru gishize mu kabyiniro ka People Club gakunzwe gusohokeramo abanyabirori batandukanye mu mujyi wa Kigali, cyane cyane kagashyuha mu mpera z’icyumweru.

Asinah yabwiye IGIHE ko yagiye kubona akabona umukobwa araje aramushwaratuye nta hantu asanzwe amuzi, nyuma akaza kumenya amazina ye ayabwiwe n’abasanzwe bamuzi.

Ati “Nari ndi muri People Club ngiye kubona mbona umuntu arashwaratuye ariruka ariko abantu bamubonye basanzwe bamuzi bambwira ko ariko asanzwe ameze, ngo akunda kugendana inzembe yabona atakwishimiye akagukata.”

“Njye ntabwo nari nsanzwe muzi ariko abamuzi bambwiye ko yitwa Shakira. Yanshwaratuye mu maso ku itama ry’ibumoso.”

Asinah yagiye mu bitaro byo Nyirinkwaya akimara gukebwa, amara iminsi yitabwaho n’abaganga ndetse hari amakuru avuga ko yabazwe itama, yabivuyemo kuri iki Cyumweru.

Yavuze ko yagejeje ikirego cye mu Rwego rw’Igihugu rw’Ubugenzacyaha (RIB), ubu ategereje igisubizo kuko ibintu byamubayeho avuga ko ari agahomamunwa.

Asinah aheruka gusagarirwa n'umukobwa wamukatishije urwembe ku itama
Asinah amaze iminsi arwaye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza