00:00:00 IGIHE NETWORK KN KINYARWANDA EN ENGLISH FR FRANCAIS

Umuhanzi Marchal Ujeku wo ku Nkombo yahaye umubyeyi we impano y’imodoka (Amafoto)

Yanditswe na Sitio Ndoli
Kuya 22 Kamena 2021 saa 10:52
Yasuwe :
0 0

Umuhanzi Marchal Ujeku ukomoka ku Kirwa cya Nkombo giherereye mu Kiyaga cya Kivu mu Karere ka Rusizi yahaye umubyeyi we impano y’imodoka ku munsi uyu wamwibarutse yizihizagaho isabukuru y’amavuko.

Umuhanzi Marchal ni umusore w’imyaka 29, yamenyekanye cyane mu myaka ya 2016 mu njyana ya Nkombo style aho aririmba mu rurimi rw’amashi ruvugwa n’abatuye kuri iki kirwa kibarizwa mu Kiyaga cya Kivu.

Mu masaha ya nimugoroba ku Cyumweru tariki 20 Kamena 2021, ni bwo uyu muhanzi yatunguye nyina umubyara amuha imodoka yo mu bwoko bwa Toyota Rava 4.

Aganira na IGIHE uyu muhanzi yavuze ko ari ishimwe rye kuri nyina wamubyaye akamurera ndetse akamukuza neza.

Ati “Uyu munsi nahaye impano mama wanjye umbyara, namuguriye imodoka yo kugendamo! Byari ukumushimira mu bufasha yampaye bituma mpitamo kumuha icyubahiro. Ni umubyeyi numvaga naha ibirenze, kenshi iyo nicaye mba numva hari byinshi mugomba.”

Ikimpaye Constasie, umubyeyi wa Marshall wahawe iyi modoka, yavuze ko anejejejwe n’impano yahawe n’umuhungu we.

Ati “Ni ibyishimo byinshi cyane, Marchal ni umwana wanjye nzakomeza kumuba hafi no kumwitaho! Ni umwana wakuze akunda gufasha abandi, ndibuka ko namuhaga ishati imwe ngashiduka yarayihaye abandi bana batishoboye.”

Iki gikorwa cyo gushyikiriza imodoka umubyeyi wa Marchal, cyahuriranye n’umunsi wo kwizihiza isabukuru y’amavuko y’uyu mubyeyi wujuje imyaka 65.

Marchal ni umuhanzi wamenyekanye mu ndirimbo zirimo "Bombole Bombole", "Bikongole’’ na "Kuch Kuch Hota Hai" icuranze mu mujyo w’umuziki w’Abahinde.

Uyu musore asigaye ari rwiyemezamirimo ufite kompanyi ikora iby’ubwubatsi, ubucuruzi bw’imbaho n’ibibikomokaho ikorera mu Mujyi wa Kigali.

Byari ibyishimo ku mpande zombi, aha Marchal yerekaga umubyeyi we uko iyi modoka iteye
Marchal afata ifoto y'urwibutso n'umubyeyi we
Marchal yahaye impano y'imodoka nyina umubyara
Umubyeyi wa Marchal yishimiye imodoka yahawe
Ni umunsi wahuriranye n'isabukuru y'uyu mubyeyi wujuje imyaka 65

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .