Umuhanzi Papa Cidy wo muri Uganda agiye kuza i Kigali

Yanditswe na Munyengabe Murungi Sabin
Kuya 21 Ukwakira 2016 saa 01:33
Yasuwe : XX
0

Umuririmbyi ukomeye muri Uganda, Papa Cidy agiye kuza gukorera igitaramo gikomeye mu Mujyi wa Kigali ku itariki ya 23 Ukwakira 2016.

Papa Cidy amazina ye nyakuri ni Hamidu Sekyeru, ni umuhanzi wamenyekanye mu ndirimbo “Nkwaata” na "Joselina" yakoranye na Chameleone ndetse n’indi yitwa ‘Evalina’.

Uyu muhanzi w’imyaka 30 , yatangiye umuziki muri 2009, abifatanya no kwandika indirimbo no kwambika abantu bagiye gufata amashusho (costume designer), akaba aririmba mu njyana ya Afrobeat, Reggae, Ragga na Kidandali.

Papa Cidy yatumiwe na MIG itsinda rihuza abafana n’abahanzi mu bitaramo biba mu mpera za buri cyumweru mu kabyiniro gakunzwe i Gikondo kitwa H-Zone.

Mu kiganiro na IGIHE, Hitimana David, Umuyobozi wa MIG yatangaje ko kwinjira muri iki gitaramo ari ubuntu mu buryo bwo korohereza abakunda uyu muhanzi gutaramana nawe.

Yagize ati ”Ibikenewe byose byamaze kujya ku murongo kandi ku mugoroba w’itariki ya 22 Ukwakira 2016 uyu muhanzi azarara i Kigali ku buryo ku cyumweru azaba yaruhutse agataramira abanyakigali.”

Yatangaje ko igitaramo cya Papa Cidy kizaba ku Cyumweru tariki ya 23 Ukwakira 2016 guhera saa moya z’umugoroba muri H-Zone hafi ya Dos d’âne kwa Mironko.

Kuva mu mwaka wa 2009 kugeza ubu, Papa Cidy akorera umuziki muri Leone Island Records inzu itunganya umuziki yashinzwe na Chameleone.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza