Umuhanzi Aime Bluestone yashinze inzu itunganya umuziki

Yanditswe na Munyengabe Murungi Sabin
Kuya 5 Ugushyingo 2016 saa 10:03
Yasuwe :
0 0

Umuririmbyi Muvunyi Mbaraga Aime[Aime Bluestone] yashinze inzu ye bwite izajya itunganya indirimbo mu buryo bw’amajwi n’amashusho, yizeye ko izamufasha kwigaragaza mu bahanzi b’imena mu Rwanda.

Aime Bluestone ni umwe mu bahanzi bamaze kugaragaza ko bafite imbaraga n’ubuhanga bukomeye mu muziki. Yakunzwe cyane mu ndirimbo ‘Sintambara’, ‘Nudahinduka’, ‘Mumporeze’ n’izindi.

Yinjiye mu muziki nyuma yo gutsinda amarushanwa yo kuririmba ya Talent Detection mu mwaka wa 2012 yijeje abafana be ko mu minsi iri imbere bazamubona mu bahanzi bakunzwe ku bw’ubuhanga mu muziki ndetse akaba akomeje kubasaba kumushyigikira kugira ngo arenge urwego agezeho.

Aimé Bluestone wafashwaga cyane mu muziki na mugenzi we Nizzo, yabwiye IGIHE ko yamaze kwinjira muri Label ya Incredible Records ya Bagenzi Bernard ndetse ko hari indi mishinga mishya agiye gushyira hanze.

Yagize ati “Nari maze igihe nshakisha abantu bamfasha mu bikorwa byanjye, hari bamwe nabonye barimo nka Incredible Records, ntabwo ndayinjiramo neza, nzabibagezaho neza vuba cyane. Nubwo bitararangira neza navuga ko nsa nk’aho nyirimo.”

Uyu muririmbyi wakunzwe mu nyikirizo y’indirimbo “Forever” yakunzwe na benshi y’umuraperi Danny Nanone yamaze gushinga inzu itunganya indirimbo yise ‘Shaga Records’, ubu ikorera ku Gisozi iwe mu rugo gusa ngo arateganya kuyimurira i Nyamirambo ari nabwo izatangira gukora byeruye.

Ati “Ubu nashinze studio yanjye nise Shaga Records, nta gihe kinini gishize nyitangiye. Ibyuma by’ingenzi birahari, ikibura ni Producer n’utundi tuntu duke cyane nkeneye ngo mpite ntangira gukora.”

Yongeraho ati “Ntabwo izajya ikora audio gusa ndashaka no kujya nkora amashusho y’indirimbo. Ntabwo kubona ubushobozi bwo kubikora byari byoroshye ariko niyambaje inshuti n’abantu bo mu miryango mbona biratunganye, ubu nsa n’uwamaze gutangira.”

Uyu muhanzi ufite ubuhanga bukomeye mu miririmbire yashyize hanze indirimbo yise ‘Ndagukunda’ ndetse ateganya kuyissohora mu buryo bw’amashuho bidatinze.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza