00:00:00 IGIHE NETWORK KN KINYARWANDA EN ENGLISH FR FRANCAIS

Uburanga bw’abanyarwandakazi bari guhatanira ikamba muri Miss Eloquent (Amafoto)

Yanditswe na Uwiduhaye Theos
Kuya 22 Mata 2021 saa 11:23
Yasuwe :
0 0

Umukobwa witwa Umutoni Cynthia na mugenzi we witwa Niheza Deborah batoranyijwe muri 45, bageze mu cyiciro kibanziriza icya nyuma mu irushanwa ry’ubwiza ryitwa Miss Eloquent Africa ribera muri Nigeria.

Kujya muri iri rushanwa byasabye aba bakobwa na bagenzi babo kwiyandikisha, bageze aho bohererezwa ibibazo bakabisubiza kugeza bageze muri iki cyiciro kibanziriza icya nyuma.

Miss Eloquent Africa ni irushanwa rigamije guteza imbere umuco wa kinyafurika ndetse no gukomeza ubumwe bw’abanyafurika, abaritegura bagendera ku bwiza, umuco n’ubwenge nk’andi marushanwa menshi agendanye n’ubwiza.

Umutoni Cynthia uri muri aba bakobwa babiri bahagarariye u Rwanda, yabwiye IGIHE ko we na mugenzi icyo bifuza ari uko abanyarwanda babashyigikira, kuko bafite icyizere cyo kugera kure ndetse no kuba umwe muri bo yakwegukana ikamba.

Ati “Icyo twifuza ni uko abanyarwanda badushyigikira, tukareba ko twagera mu cyiciro cya nyuma kuko turabakeneye cyane. Mu bindi byiciro akenshi byasabaga kuba umuntu yasubije neza. Twiteze guhagararira neza igihugu cyacu.”

Gushyigikira aba bakobwa ni ukujya ku mbuga nkoranyambaga za Miss Eloquent Africa ugatanga ibitekerezo ahantu hose ubonye amafoto yabo cyangwa amashusho.

Mu cyiciro cya nyuma cy’iri rushanwa ririmo abakobwa bo mu bihugu bitandukanye bya Afurika, kizageramo abakobwa 25 abe ari nabo bazerekeza i Lagos muri Nigeria ahazabera ibirori byo gutangaza uwegukanye umwanya wa mbere.

Kwitabira iri rushanwa byasabaga kuba uzi Icyongereza, Igiswahili cyangwa Igifaransa ndetse n’imyirondoro yuzuye igaragaza ko uri umunyafurika.

Buri mukobwa yahabwaga ikizamini cy’ibazwa uko agenda atsinda akazamuka kugera ku cyiciro kibanziriza icya nyuma aho batangira amatora yo kuri internet na Instagram.

Miss Eloquent Africa izahemba abakobwa batandatu, aho uzegukana ikamba azahabwa ibihumbi 2000 $ (asaga miliyoni 2 Frw) n’imodoka nshya mu gihe uwa kabiri uzaba yabaye igisonga cya mbere azahabwa $1500 (asaga miliyoni 1,5 Frw).

Uzegukana ikamba ry’igisonga cya kabiri azahabwa 1000$ asaga miliyoni 1 Frw. Abazagera mu cyiciro cya nyuma bazitabira iri rushanwa muri Nigeria muri Nzeri uyu mwaka. Ikamba rya Miss Eloquent Africa 2020 rifitwe na Pamela Manuel ukomoka muri Sierra Leone.

Amafoto agaragaza ubwiza bwa Niheza Deborah

Niheza Deborah uhagarariye u Rwanda muri iri rushanwa
Niheza Deborah si ubwa mbere yitabiriye amarushanwa nk'aya kuko we yagiye no muri Miss Rwanda mu 2020
Niheza Deborah ari mu bakobwa bari gushakishwamo abazagera mu cyiciro cya nyuma cy'iri rushanwa
Niheza arasaba abanyarwanda kumushyigikira we na mugenzi we
Guha amahirwe uyu mukobwa ni ukujya kuri Instagram ya Miss Eloquent Africa ugatanga ibitekerezo ku mashusho n'amafoto bye ukanakandaho like
Niheza Deborah uri muri iri rushanwa mu 2020 yagiye muri Miss Rwanda ahagarariye Intara y'Iburasirazuba ariko ntiyabasha kujya mu mwiherero
Niheza na mugenzi we bahanganye n'abandi bakobwa 43
Uyu mukobwa asanzwe amurika imideli

Umutoni Cynthia ni undi mukobwa uhagarariye u Rwanda muri iri rushanwa

Miss Eloquent Africa izahemba abakobwa batandatu, aho uzegukana ikamba azahabwa ibihumbi bibiri by’amadolari
Umutoni Cynthia ahagarariye u Rwanda muri iri rushanwa
Uyu mukobwa asaba abanyarwanda kumushyigikira

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .