Uburanga bw’abahataniraga ikamba rya Miss Rwanda bwaciye ibintu muri Zambia

00:00:00 IGIHE NETWORK

KINYARWANDA

ENGLISH

FRANCAIS IGIHE TV

Izigezweho

U Rwanda - Bizasaba iki ngo ingengabitekerezo ya Jenoside iranduke burundu mu Banyarwanda?
U Rwanda - Ukugoreka indimi kwa Amerika no kubusanya mu kwibuka Jenoside yakorewe Abatutsi n’iyakorewe Abayahudi
U Rwanda - Perezida Kagame yijeje ko u Rwanda rwiteguye gutanga umusanzu ngo Afurika ikore inkingo za Covid-19
Amakuru - Icyo Raporo ya ‘Komisiyo ya Duclert’ yagaragaje ku nyito ya ‘Jenoside ebyiri’ yatangijwe na François Mitterrand
Amakuru - Prof Duclert yasobanuye impamvu babuze ubufatanyacyaha bw’u Bufaransa muri Jenoside yakorewe Abatutsi
Mu Mateka - Abanyamahanga bagerageje kurwana ku Batutsi n’uko bamwe Leta ya Habyarimana yagiye ibikiza
U Rwanda - Biciwe mu nsengero: Isomo amadini n’amatorero yigiye kuri Jenoside yakorewe Abatutsi

Uburanga bw’abahataniraga ikamba rya Miss Rwanda bwaciye ibintu muri Zambia

Yanditswe na Nsengiyumva Emmy

Kuya 22 Werurwe 2021 saa 04:16

Yasuwe :

Yavuzweho:

0 0

Irushanwa rya Miss Rwanda mu 2021 riherutse gushyirwaho akadomo mu birori byabereye mu Intare Arena byavugishije benshi yaba mu Rwanda n’imahanga, ku buryo muri Zambia ho batangariye ubwiza bw’aba banyarwandakazi.

Ikinyamakuru Zambia Reports cyashyize ku rukuta rwacyo rwa Facebook ifoto igaragaza abakobwa 20 bahataniraga ikamba, abagikurikira bacika ururondogoro babonye uburyo ari ibizungerezi.

Iyo foto iherekezwa n’amagambo agira ati “Abakobwa bahatanira ikamba rya Miss Rwanda mu 2021. Amahirwe masa ku bagize Akanama Nkemurampaka!”

Abanya-Zambia mu bitekerezo birenga 370 byakurikiye ifoto y’aba bakobwa, bagaragaje uburyo batunguwe n’uburanga bafite.

Uwitwa Omega Siamweela yagize ati “Muze murebe abakobwa ba Paul Kagame. Nshobora gutekereza ko ari abuzukuru b’abamarayika bavuye mu ijuru bagatura mu Rwanda.”

Festus Zimba we yagize ati “Noneho ubu ndumva impamvu abagore bo muri Zambia bajya mu Rwanda bari kumwe n’abagabo babo bakagaruka baratandukanye.”

Uwitwa Simon Chiwala we yanditse ati “Kugera mu Rwanda ni angahe? Nkeneye kubona ikarita yanjye y’itora.”

Ingabire yambitswe ikamba rya Nyampinga w’u Rwanda asimbuye Nishimwe Naomie wari umaze umwaka aryambaye.