Habuze umusore userukira u Rwanda mu irushanwa rya Mister Supranational

Yanditswe na Munyengabe Murungi Sabin
Kuya 22 Nzeri 2016 saa 10:37
Yasuwe : XX
0

Ku nshuro ya mbere muri Pologne hagiye kubera igikorwa cyo gutora Rudasumbwa mu irushanwa rya Mister Supranational rizahuza ibihugu mirongo itanu byo ku migabane yose.

Irushanwa rya Mister Supranational rizajya riba ribangikanye na Miss Supranational imaze imyaka irindwi ibera muri Pologne.

Irushanwa ryo gutoranya Rudasumbwa uhiga abandi ku Isi rizahuza abasore bo mu bihugu 50, u Rwanda rwari rwahawe ubutumire gusa abatoranya ubikwiye batinze kubona uwagombaga guserukira igihugu bityo iki gihugu kibura amahirwe yo kuryitabira ku nshuro ya mbere.

Dr.Uwamahoro Yvonne Umunyarwandakazi uba mu Budage wahagarariye u Rwanda bwa mbere muri Miss Supranational ndetse ahita ahabwa inshingano zo kujya atoranya ukwiye guserukira igihugu, yavuze ko byamugoye cyane kubona umusore userukira igihugu bituma kivanwa mu irushanwa.

Ati “Hari uwo bari bandangiye uri mu Rwanda n’undi uri mu Bubiligi ariko uyu mwaka ku bahungu biragoye. Uyu mwaka wa mbere wo gutora Mister Supranational bazakira ibihugu 50 gusa, ubwo ni aba Mister 50 gusa.”

Yongeraho ati “Kubera ko uwagombaga guhagararira u Rwanda natinze kumwandikisha kuko nari naramubuze, ubu turi kuri lisiti y’abategereje, hagize gihugu kivamo twahita tujyamo.”

Miss Akiwacu Colombe azaserukira u Rwanda muri Miss Supranational

Miss Supranational azatorwa kuwa 2 Ukuboza 2016, u Rwanda ruhagarariwe na Miss Rwanda 2014 Akiwacu Colombe uhatanye n’abakobwa barenga 80. Gutora Rudasumbwa byo bizaba kuwa 3 Ukuboza 2016 mu birori bizabera ahitwa Krynica Zdrój’s Ice Arena, mu majyepfo ya Pologne.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza