00:00:00 IGIHE NETWORK KN KINYARWANDA EN ENGLISH FR FRANCAIS

Sylvère Henry Cissé yasabiye Miss Ingabire gushyigikirwa muri Miss World

Yanditswe na Nsengiyumva Emmy
Kuya 19 Ugushyingo 2021 saa 10:39
Yasuwe :
0 0

Sylvère-Henry Cissé uri mu banyamakuru b’imikino bafite izina rikomeye ku Isi, yifurije amahirwe Miss Ingabire Grace ugiye guhagararira u Rwanda mu irushanwa rya Miss World.

Sylvère-Henry Cissé wakoreye ibitangazamakuru binyuranye, yubatse izina nk’umusesenguzi w’imikino kuri Canal+.

Uyu munyamakuru umaze iminsi mu Rwanda, ku gicamunsi cyo kuri uyu wa Kane tariki 19 Ugushyingo 2021, yahuriye na Miss Ingabire Grace kuri Mythos Boutique Hotel.

Sylvère-Henry Cissé yasabye buri wese kuzamushyigikira kugira ngo abashe kugera kure hashoboka ndetse byaba byiza agacyura ikamba.

Ati “Nahuye na Miss Ingabire Grace mbere y’uko yerekeza muri Puerto Rico aho agiye kwitabira irushanwa rya Miss World […] amahirwe masa kuri wowe, nizere ko uzaba uwa mbere! Nizere ko mumeze nkanjye, mumushyigikire, mumutere imbaraga azagere kure hashoboka ndetse abe yaba n’uwa mbere.”

Hari nyuma y’amasaha make Miss Ingabire ahawe ibendera n’Umunyamabanga wa Leta muri Minisiteri y’Umuco n’Urubyiruko nk’ugiye guhagararira igihugu.

Mu kiganiro n’abanyamakuru amaze guhabwa ibendera ry’Igihugu, Miss Ingabire yasabye Abanyarwanda kuzagerageza kumuba hafi mu rugendo agiyemo, abizeza kubahagararira neza.

Sylvère Henry Cissé hagati y'abakobwa begukanye amakamba ya Miss Rwanda mu myaka inyuranye
Sylvère Henry Cissé yamenyekanye cyane kuri Canal+ nk'umunyamakuru usesengura imikino

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .