Stromae umaze igihe arwaye yagiye kwishimana n’umugore we i Abu Dhabi

Yanditswe na Munyengabe Murungi Sabin
Kuya 10 Mutarama 2018 saa 11:23
Yasuwe :
0 0

Stromae yongeye kugaragara yishimanye n’umugore we Coralie Barbier nyuma y’uko hari hashize igihe uyu muhanzi akurikiranwa n’abaganga ku nkurikizi z’uburwayi yakuye muri Afurika.

Mu Ugushyingo 2017, Stromae yamaze iminsi mu bitaro akomerewe n’uburwayi ndetse ntiyagaragaraga mu bikorwa byo gufasha abahanzi gukora indirimbo nk’uko byari bimeze mbere. Yari yagizweho ingaruka z’umuti witwa Lariam yafashe yivuza malaria.

Pure people yatangaje ko nubwo ubuzima bwa Stromae butameze neza muri aya mezi yahisemo kujya kuruhukira mu Mujyi wa Abu Dhabi muri Leta Zunze Ubumwe z’Abarabu ari naho yakoreye ibiruhuko byo gusoza umwaka wa 2017.

Coralie Barbier, umugore wa Stromae yashyize kuri Instagram amafoto y’uruhererekane abwira abasaga ibihumbi 11 bamukurikira ko aryohewe n’ibihe byiza yagiriye muri “Paradizo” hamwe n’umugabo we.

Barbier yagiye yandika amagambo magufi cyane kuri buri foto gusa akongeraho ko aho yagiye gusoreza umwaka ari muri ‘Paradizo yasangiye n’umuntu akunda cyane’. Muri aya mafoto hari agaragaza Stromae yicaye mu mazi ya piscine, imwe muri zo yayiherekeje amagambo avuga ngo “umugabo wanjye mwiza”.

Nubwo Coralie Barbier atigeze asobanura niba koko ‘Paradizo’ amazemo iminsi na Stromae, iki kinyamakuru cyavuze ko gifite amakuru ahamya ko aho bakoreye ibiruhuko ari mu gace ko mu Mujyi wa Abu Dhabi.

Mu bice by’ubukerarugendo Stromae n’umugore we basuye harimo umusigiti uzwi cyane wa Cheikh Zayed, uwa Louvre Abu Dhabi watashywe mu Ugushyingo 2017 hari Brigitte na Emmanuel Macron. Muri aka gace ngo bahakuye inganzo ku mideli n’ubuhanzi bakorera mu nzu yabo bashinze ya Moseart.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza