Sonia Rolland yongeye kwifotoza yerekana amabere

Yanditswe na IGIHE
Kuya 13 Nyakanga 2017 saa 09:28
Yasuwe :
0 0

Uwitonze Sonia Rolland wabaye Nyampinga w’u Bufaransa mu 2000 yongeye kwifotoza mu buryo bugaragaza imiterere y’umubiri we bivugisha benshi ku mbuga nkoranyambaga.

Sonia Rolland yaherukaga kuvugisha abantu muri Nzeri 2016 ubwo umugabo we Jalil Lespert yasohoye ifoto y’umugore yambaye ubusa igice cyo hejuru agaragaza ko bishimiye bikomeye ibihe bagiranye mu biruhuko icyo gihe.

Iyi foto ya Miss Sonia Rolland yakurikiwe n’ibitutsi ndetse n’amagambo mabi benshi bamwandikiye ku mbuga nkoranyambaga bamubwira ko yatandukiriye. Ku ruhande rwe, Sonia Rolland yavuze ko ‘abamwoherereje ibitutsi bamuziza ubusa kuko yabikoze yabitekerejeho.’

Icyo gihe yavuze ko yifotoje yambaye ubusa hejuru nk’inzira yashakaga kunyuzamo ubutumwa yageneye abagore ababwira ko ‘bakwiye kwigirira icyizere’.

Yagize ati “Ku myaka 35 mfite amahirwe yo kuba mbasha kwerekana umubiri wanjye. Muri iriya foto, nashakaga gutambutsa ubutumwa ku bagore mbabwira ko bakwiye kwigirira icyizere. Mu buryo busanzwe, nsanga ntacyo bitwaye kwerekana umubiri wanjye.”

Yongeyeho ati “Nubwo atari ko abantu bose babyumva, ishema ry’umugore ni hariya rigaragarira. Dushobora kwigaragaza ariko tutiyandagaje.”

Sonia Rolland yongeye kwifotoza yerekana ibere

Sonia Rolland yongeye kwifotoza mu buryo bwatumye bivugisha abantu by’umwihariko abakoresha imbuga nkoranyambaga ndetse n’ibinyamakuru bitandukanye i Burayi byavuze kuri iyi foto igaragaza ibere ry’uyu mugore w’imyaka 36 ukomoka mu Rwanda.

Iyi foto nshya, Sonia Rolland yafotowe yambaye ikanzu y’umweru ibonerana ku buryo ibere ry’iburyo rigaragara, yayishyize hanze kuri uyu wa 12 Nyakanga 2017.

Yafotowe n’umuhanga mu gufata amafoto abanyamideli witwa Amaryl­lis Josko­wicz, yayishyizeho mu buryo bwo kumushimira undi na we amwandikira agaragaza ko yanyuzwe no kuba barakoranye.

Sonia Rolland yaherukaga kwifotoza yambaye ubusa hejuru muri Nzeri 2016
Iyi foto yayishyize hanze mu ntangiriro za Nyakanga 2017
Sonia Rolland n'umugabo we Jalil Lespert
Ni Umufaransakazi ukomoka mu Rwanda
Sonia Rolland n'umwe mu bana be

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza