Sonia Rolland yavuze ku mafoto y’ubwambure akunda kwerekana

Yanditswe na Muvunyi Arsène
Kuya 4 Kanama 2019 saa 09:01
Yasuwe :
0 0

Sonia Rolland wabaye Nyampinga w’u Bufaransa mu 2000, akaba anafite inkomoko mu Rwanda yahishuye ko anogerwa no kwerekana umubiri we yambaye ubusa kuko ntacyo bimutwaye.

Ibi yabitangarije ikinyamakuru Gala Magazine cyo mu Bufaransa cyamusuye aho yari ari gufatira amashusho ya nyuma ya filime y’uruhererekane yitwa “Tropiques Criminels”.

Sonia Rolland n’itsinda bafatanyije bari bamaze amezi ane bafata amashusho y’igice cya kabiri cy’iyo filime gifite uduce umunani aho kamwe kamara iminota 52.

Mu kiganiro yahawe yabajijwe ku bijyanye n’amafoto akunze gushyira ku mbuga nkoranyambaga yambaye ubusa, avuga ko ari imyambarire yumva imufasha kwisanzura.

Ati “Ubu mba numva nisanzuye mu kwambara ubusa kurusha mu myaka yanjye 20. Numvaga mfite ipfunwe ku buryo ntabashaga kwihanganira amaso y’abagabo. Ubwo natsindaga irushanwa rya Nyampinga w’u Bufaransa, ubyanga cyangwa ubyemere gutambuka mu mwambaro wo kogana byari isuzuma rikomeye.’’

Sonia Rolland yakomeje avuga ko n’ubwo yabyaye akabagwa umubiri we ukazana inenge, ngo icyo yakoze ni ukwiyakira, akawitaho ubundi akawerekana uko abishaka.

Ati “Uko ibihe byagiye bishira, nkundwa, nkabyara bigoranye nakiriye inkovu z’aho bambaze mbyara ndetse n’amabere yanjye ntiyari agiteye neza nka mbere. Nakoresheje uburyo umubiri wanjye umera neza ntitaye ku nenge. Umubiri wanjye nywitaho ubundi nkawerekana uko mbishoboye.”

Sonia Rolland w’imyaka 38 afite abana babiri barimo Tess ufite imyaka 13 [yabyaranye na Christophe Rocancourt] na Kahina ufite imyaka icyenda yabyaranye na Jalil Lespert.

Abajijwe niba ibyo akora ashobora kubyigisha abana be babiri b’abakobwa yavuze ko byashoboka n’ubwo atari byo bya mbere.

Ati “Yego ariko mbere na mbere ndashaka guha abakobwa banjye urugero rw’umugore w’umunyembaraga, uhatana ariko wemera n’intege nke ze nk’uko mama yabinkoreye. Mpererekanya umurage w’umuco w’umuryango wanjye. Sinshobora kubatera ubwoba cyangwa se ngo mbagore.”

Sonia Rolland yakunze kenshi kugaragara mu mafoto agaragaza bimwe mu bice bye by’umubiri. Mu 2016 uwahoze ari umugabo we Jalil Lespert yashyize ifoto kuri Instagram yambaye akenda ko kogana amabere ari hanze.

Icyo gihe Sonia Rolland yavuze ko yashakaga kwerekana ko abagore bakwiye kwigirira icyizere kandi ko nta kibazo kirimo.

Sonia Rolland yavuze ku mafoto akunda gushyira hanze yambaye ubusa. Yavuze ko anogerwa no kugaragara ameze atyo
Mu 2016 Sonia Rolland nabwo yashyize ahabona ifoto yambaye ubusa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza