Kwamamaza

Sonia Rolland agiye gufasha imfubyi zirererwa kwa Gisimba

Yanditswe kuya 20-09-2016 saa 08:36' na Remesha Jr.


Nyampinga w’u Bufaransa mu mwaka wa 2000, Sonia Rolland yiyemeje gufasha abana b’imfubyi barererwa kwa Gisimba i Nyamirambo abinyujije mu muryango yashinze witwa ‘Maïsha Africa’.

Ku mugoroba wo kuri uyu wa Mbere tariki ya 19 Nzeri 2016 mu Bufaransa habereye ibirori byo kwizihiza imyaka 15 ishize umuryango Maïsha Africa ushinzwe kuko yawutangije nyuma y’umwaka umwe abaye Nyampinga w’u Bufaransa nk’inzira yaharuye yamufasha kwita ku barokotse Jenoside batishoboye.

Yanditse kuri Instagram avuga ko igiteranyo cy’amafaranga yakusanyijwe mu birori byo kwizihiza imyaka 15 Maïsha Africa ibayeho azagenerwa abana barererwa kwa Gisimba i Kigali.

Yagize ati “Umushinga ‘Aider Gisimba’[Fasha Gisimba] ni uw’umutima Maïsha Africa izakora mu mwaka wa 2017. Impano zose n’ubufasha buzava muri uyu muhango w’urukundo ndetse n’izindi mpano tuzabona zizagenerwa abana bo kwa Gisimba no kubafasha mu myigire yabo.”

Sonia Rolland amaze imyaka 15 ashinze Maisha Africa

Mu kiganiro Sonia Rolland aheruka kugirana na Jeune Afrique bamuzaba ku muryango yashinze witwa ‘Maïsha Africa’, yemeje ko mu myaka umaze waremyemo icyizere benshi mu bana barokotse Jenoside.

Mu bikorwa bikomeye yakoze binyuze muri Maïsha Africa harimo kubakira imfubyi, uyu muryango yawuguriye urusyo rwa kizungu rufasha kwinjiza amafaranga, yaguze moto zitwara abagenzi[atavuze umubare] ndetse ngo hari inzu 36 z’abana b’imfubyi batishoboye yasannye anazishyiramo sima ku buryo muri iki gihe yishimira ko bagenda barushaho kugira ubuzima bwiza.

Ibirori byo kwizihiza imyaka 15 uyu muryango umaze ushinzwe Sonia Rolland yashyigikiwe n’abafatanyabikorwa yashimiye cyane mu muhango wasusurukijwe n’itorero gakondo ribyina Kinyarwanda ryitwa ‘Mpore’.

Sonia Rolland n'abafatanyabikorwa be
Itorero Mpore ryasusurukije ibi birori

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 1 Ukwakira 2016
Copyright © 2009 -2014 - IGIHE Ltd - All Rights Reserved